Fana: At a Speed of Life!

የሆራ አርሰዴ ኢሬቻ በዓል በቢሾፍቱ በድምቀት ተከበረ

አዲስ አበባ፣መስከረም 25፣ 2012 (ኤፍ.ቢ.ሲ) የሆራ አርሰዴ ኢሬቻ በዓል በቢሾፍቱ በድምቀት ተከበረ።

በዓሉ በሆራ አርሰዴ በዛሬው ዕለት ማለዳ ላይ በአባገዳዎች ምርቃትና ምስጋና ተጀምሮ በርካታ የበዓሉ ታዳሚዎች በተገኙበት በድምቀት ተከብሯል።

ኢሬቻ በዓመት ሁለት ጊዜ የሚከበር ሲሆን፥ በበጋ ወቅት በከፍታ ቦታ ላይ የሚከበር ወይም ኢሬቻ ቱሉ እንዲሁም በጸዳይ ወቅት መግቢያ ላይ በወንዝ ዳር የሚከበረው ወይም ኢሬቻ መልካ በመባል የሚታወቅ ነው።

በዛሬው ዕለት በቢሾፍቱ የተከበረው ኢሬቻ መልካ የኦሮሞ ህዝብ የክረምት ወቅት ማለፉንና የጸደይ ወቅት መምጣቱን አስመልክቶ ለታና አደይ አበባን በመያዝ ለፈጣሪ ምስጋና የሚቀርብበት በዓል ነው።

በዓሉ በተለያዩ ቦታዎች የሚከበር ሲሆን፥ የኦሮሞ ህዝብ የማንነቱ መገለጫ የሆነውን በዓል በአንድ ላይ ተሰብስቦ በየዓመቱ የመስቀል/ጉባ/ በዓልን ተከትሎ ባለው የመጀመሪያ እሁድ ቢሾፍቱ በሚገኘው ሆራ አርሰዲ ያከብራል።

በዚህም መሰረት ነው በዓሉን ከተለያዩ የሀገሪቱ ክፍሎች የተሰባሰቡ ዜጎችያከበሩት።

ትናንትና በአዲስ አበባ በዓሉ በተመሳሳይ ሁኔታ በድምቀት ተከብሮ ማለፉ ይታወቃል።

 

You might also like
Comments
Loading...