Fana: At a Speed of Life!

ኬንያዊቷ ብሪጅድ ኮስጌይ የአለም የማራቶን ክብረ ወሰንን ሰበረች

አዲስ አበባ፣ ጥቅምት 02፣ 2012 (ኤፍ ቢ ሲ) በዛሬው ዕለት በቺካጎ በተካሄደው የማራቶን የሩጫ ውድድር ኬንያዊቷ ብሪጅድ ኮስጌይ የአለም ክብረ ወሰንን ሰበረች።

ብሪጅድ ኮስጌይ የአለም የማራቶን ክብረ ወሰንን የሰበረችው 2 ሰዓት ከ14 ደቂቃ ከ4 ሰከንድ በመግባት ነው ክብረ ወሰኑን መስበር የቻለችው፡፡

የሴቶች የማራቶን ክብረ ወሰን በብሪታኒያዊቷ ፓውላ ራድክሊፍ በ2 ሰዓት ከ15 ደቂቃ ከ25 ሰከንድ ለበርካታ አመታት ተይዞ ነበር፡፡

በውድድሩ ኢትዮጵያኑ አትሌቶች አባበል የሻነው እና ገለቴ ቡርቃ ሁለተኛ ሶስተኛ ደረጃን በመያዝ አጠናቀዋል፡፡

በተመሳሳይ በወንዶች የቺካጎ ማራቶን የሩጫ ውድድር ኬንያዊው ሌወረንስ ቼሮኖ አሸናፊ ሲሆን ኢትዮጵያዊያኑ ደጀኔ ደበላ እና አሰፋ መንግሥቱ ከአሸናፊው በአንድ እና በሶስት ሰከንድ ተቀድመው ቀጣዮችን ደረጃ በመያዝ ማጠናቀቅ ችለዋል፡፡

You might also like
Comments
Loading...