Fana: At a Speed of Life!

ኩሽና ውስጥ ተሰቅሎ የተገኘው ታሪካዊ ስዕል 24 ሚሊየን ዩሮ ተሽጧል

አዲስ አበባ፣ጥቅምት 17፣ 2012(ኤፍ ቢ ሲ) በፈረንሳይ ለረጅም ዓመታት በግለሰብ ቤት ኩሽና ውስጥ ተሰቅሎ የተገኘው የስዕል ጥበብ ስራ 24 ሚሊየን ዩሮ መሸጡ ተነግሯል።

በ13ኛው ክፈለ ዘመን በታዋቂው ጣሊያናዊ ሰዓሊ የተሳለ የስዕል ስራ በያዝነው ዓመት መጀመሪያ ላይ በአንዲት ፈረንሳዊት ኩሽና ቤት ውስጥ ተሰቅሎ ተገኝቷል።

በሰሜናዊ ፈረንሳይ የተገኘው ይህ የሥዕል ስራ  ለበርካታ ዓመታት በምግብ ማብሰያ ኩሽና ግድግዳ ውስጥ ተንጠልጥሎ መቆየቱ ነው የተገለጸው።

ይህ የስዕል ስራ ባለቤትነቱ ጣሊያናዊው ሰዓሊ ሶኒ ዲ ፔፖ መሆኑ የተረጋገጠ ሲሆን፥ መጠኑም20 ሴንቲ ሜትር በ26 ሴንቲ ሜትር መሆኑ ታውቋል።

ለጨረታ የቀረበው ይህ ታሪካዊ የስዕል ስራም ባልታሰበ ሁኔታ የሰሜን ፈረንሳዊቷን ሴት ሚሊየነር ማድረጉ ተሰምቷል።

ስዕሉ ለጨረታ ሲቀርብ ከ4 ሚሊየን እስከ 6 ሚሊየን ዋጋ ተቆረጦለት የነበረ ቢሆንም፥ በሚገርም ሁኔታ ከተባለው ዋጋ በአራት እጥፍ ጨምሮ በ24 ሚሊየን ዩሮ መሸጡ ተነግሯል።

ይህም በዓለም አቀፍ ደረጃ በውድ ዋጋ የተሸጠው የስዕል ስራ ያደርገዋል።

ምንጭ ፦ www.france24.com

You might also like
Comments
Loading...