Fana: At a Speed of Life!

ከ300 ሺህ በላይ ተማሪዎች የሚካተቱበት የምገባ መርሀ ግብር በሚቀጥለው ሳምንት ይጀመራል

አዲስ አበባ፣ መስከረም 29፣ 2012(ኤፍ.ቢ.ሲ) ከ300 ሺህ በላይ ተማሪዎች የሚካተቱበት የዘንድሮው የምገባ መርሀ ግብር ከሚቀጥለው ሳምንት ጀምሮ ሙሉ በሙሉ ወደ ተግባር ይገባል።

በከተማ አስተዳደሩ በሳምንቱ የተሰሩ ስራዎች ተገምግመዋል።

የወጣቶች የስራ ዕድል ፈጠራ ዋነኛ ትኩረት የነበረ ሲሆን ለወጣቶች ስራ ፈጣራ የሚቀርቡ የፋይናንስና ሙያዊ ድጋፎች ተጠናክረው እንደቀጠሉ ተገልጿል።

በቀጣይም ዋነኛ የከተማ አስተዳደሩ ትኩረት ይሆናል።

ለተማሪዎች የተደረገው የዩኒፎርምና የመማሪያ ቁሳቁሶች ድጋፍ ስርጭቱ ስኬታማ እንደነበረ የተገለፀ ሲሆን በሳምንቱ መጀመሪያ ላይም ወደ መማር ማስተማር መገባቱ ተገልጿል።

ከ300 ሺህ በላይ ተማሪዎች የሚካተቱበት የዘንድሮው የተማሪዎች ምገባ መርሀግብርም በአንዳንድ ት/ቤቶች የተጀመረ ሲሆን ከመጪው ሳምንት ጀምሮ ደግሞ ሙሉ በሙሉ ወደ የሚገባ ይሆናል።

ከመሰረተ ልማት ጋር ተያይዞ ግዙፍ የመንገድ ፕሮጀክቶችን ጨምሮ የተለያዩ የመሰረተልማት ዝርጋታዎች እየተከናወኑ መሆኑ ተገልጿል።

ኢ/ር ታከለ ኡማ በከተማ አስተዳደሩ የሚሰሩ ስራዎች ጠንካራዎቹን የበለጠ ማጠናከርና የሚታዩ ክፍቶችንም በፍጥነት በማስተካከል ለውጡን ማፋጠን እንደሚገባ ተናግረዋል።

You might also like
Comments
Loading...