Fana: At a Speed of Life!

ከሞት በኋላ እጠቀምበታለሁ በሚል ቅንጡ መኪናው የቀበረው ብራዚላዊ ባለሀብት

አዲስ አበባ፣ ጥቅምት 12፣ 2012 (ኤፍ.ቢ.ሲ) ብራዚላዊው ባለሀብት ከሞት በኋላ እጠቀምበታለሁ ያለውን ቅንጡ መኪና መቅበሩ ከሰሞኑ አነጋጋሪ ጉዳይ ሆኗል።

ካውንት ስካርባ የተባለው ብራዚላዊው ባለሀብት 324 ሺህ የአሜሪካ ዶላር ማለትም 10 ሚሊየን ብር ገደማ የሚገመት “ቤንትለይ” ቅንጡ ተሽከርካሪውን መቅበሩ ነው የተነገረው።

ግለሰቡ መኪናውን የቀረበው ከሞትኩ በኋላ የምጠቀምበት ነው በሚል ሲሆን፥ ይህን ለማድረግ ያነሳሳውም ደግሞ የግብፅ ፈረኦኖች ላይ ያተኮረ ዘጋቢ ፊልም (ዶኩመንተሪ) ከተመለከተ በኋላ መሆኑን ተናግሯል።

የግብፅ በፈርኦኖች ዘመን ሰው ሲሞት ይጠቀምበታል ተብሎ ከሚታሰብ ቁሳቁስ ጋር የሚቀበር ሲሆን፥ ብራዚላዊው ባለሀብትም ከዚሁ በመነሳት ይህን ተግባር መፈፀሙ ታውቋል።

የ62 ዓመቱ ብራዚላዊ ባለሀብት ተሽከርካሪውን በመኖሪያ ግቢው ውስጥ በሚገኝ ስፍራ እንደቀበረውም አስታውቋል።

ባለሀብቱ ካውንት ስካርባ በሚልው ፌስቡክ ገፁ ላይ ልክ እንደ ፈረኦኖች ከሞት በኋላ የምጠቀምበትን ተሽከርካሪ ልቀብር ነው በሚል የለቀቀው መረጃም በርካቶች እንደተቀባበሉት ነው የተነገረው።

ጉዳዩ ዙሪያ ከቀረቡለት ጥያቄዎች ውስጥም ተሽከርካሪውን ከሌላ ሀገር በማስገባቱ ታክስ ላለመክፈል ነው እንዲህ የሚያደርገው የሚለው ተጠቃሽ ሲሆን፥ በሰጠው ምላሽም ከፍያለው ሁሉንም ማስረጃዎች አስቀድሜ ለባለሰልጣናት አሳይቻለው ብሏል።

ቤተሰብ እንደሌለው የተናገረው ባለሀብቱ ወደፊትም ቢሆን ሚስት ማግባትም ይሁን ቤተሰብ ማፍራት እንደማይፈልግም ተናግሯል።

በርካቶች ግን በለሀብቱ ያደረገውን ተግባር ገንዘብ ማባከን ነው በሚል የኮነኑ ሲሆን፥ ገንዘቡን በዚህ መልኩ ከሚያጠፋ ለበጎ አድራጎት ድርጅቶች ቢሰጥ መልካም ነው በሚልም የመከሩ አካላት አሉ።

ምንጭ፦ dailymail.co.uk

You might also like
Comments
Loading...