Fana: At a Speed of Life!

እነብርጋዴየር ጄኔራል ተፈራ ማሞ በዋስ ተለቀቁ

አዲስ አበባ፣ ጥቅምት 3፣ 2012 (ኤፍ ቢ ሲ) በ10 ከሰኔ 15 ጥቃት ጋር በተያያዘ ተጠርጥረው በማረፊያ ቤት ሆነው ጉዳያቸውን ሲከታተሉ የነበሩት ብርጋዴየር ጄኔራል ተፈራ ማሞ፣ ኮሎኔል አለበል አማረ እና ኮሎኔል ባምላኩ ዓባይ እያንዳንዳቸው በ10 ሺህ ብር ዋስ ዛሬ ከሰዓት በኋላ ተለቀቁ።

በሰኔ 15 ጥቃት ተጠርጥረው ጉዳያቸው እየተጣራ በእስር የቆዩት ተጠርጣሪዎቹ ባለፈው ሐሙስ ዋስትና ጠይቀው ነበር፤ መዝገቡን ተመልከቶ ውሳኔ ለመስጠትም ለዛሬ ተቀጥሮ ነበር።

በቀጠሮው መሠረትም ዓቃቤ ህግ በዛሬው ዕለት በጉዳዩ ዙሪያ አስተያየት ሰጥቷል።

በዚህም ከምርመራ ጋር የተያያዙ ጉዳዮች የተጣሩ መሆናቸውንና ኃላፊነታቸውን ተወጥተዋል ወይስ አልተወጡም የሚለው ጭብጥ ዋስትና የሚያስከለክል አለመሆኑን ዓቃቤ ሕግ ለፍርድ ቤቱ መግለጹን የአማራ ክልል ጠቅላይ ዓቀቤ ሕግ የክልል ዓቃቤ ሕግ ኢዮብ ጌታቸው ተናግረዋል።

ጉዳዩን የተመለከተው ፍርድ ቤትም ተጠርጣሪዎቹ ጉዳያቸውን በውጭ ሆነው እንዲከታተሉ እያንዳንዳቸው የ10 ሺህ ብር ዋስ አቅርበው እንዲወጡ አዟል።

በዚህ መሠረትም ተጠርጣሪዎቹ ዋስትና አቅርበው ከሰዓት በኋላ መውጣታቸውን አቶ ኢዮብ አረጋግጠዋል።

ምንጭ፦ አብመድ

You might also like
Comments
Loading...