Fana: At a Speed of Life!

ኤልያስ መልካ ከዚህ ዓለም በሞት ተለየ

አዲስ አበባ፣ መስከረም 24፣ 2012 (ኤፍ.ቢ.ሲ) የሙዚቃው ሰው ኤልያስ መልካ ከዚህ ዓለም በሞት ተለየ።
የሙዚቃ አቀናባሪ፣ ገጣሚ፣ የዜማ ደራሲ እና ጊታሪስት የሆነው ኤልያስ መልካ በዘመናዊ የኢትዮጵያ ሙዚቃ ውስጥ ጉልህ አሻራ ያኖረ አርቲስት ነው።
 
ሙዚቀኛ ኤልያስ መልካ የስኳር እና ኩላሊት ህመም ገጥሞት ህክምናውን ሲከታተል ቆይቷል።
 
እስከ ባለፈው ቅዳሜ ድረስ ኤልያስ መልካ በፋና ላምሮት የድምፀውያን ተስጥኦ ውድድር ላይ በዳኝነት ሲያገለግል ቆይቶ ነበር።
 
ኤልያስ የሙዚቃ አቀናባሪ፣ የዜማና ግጥም ደራሲ፣ ጊታሪስት፣ ፒያኒስት ሲሆን፥ አዳዲስ ሙዚቀኞችን ለሀገራችን በማስተዋወቅና ችሎታቸውን ለይቶ በዚያ እንዲያልፉ በማድረግ ይታወቃል ።
 
ከያሬድ የሙዚቃ ትምህርት ቤት ቼሎ የሙዚቃ መሳሪያን ተምሮ ከጨረሰ በኋላ ከመምህሩ አክሊሉ ዘውዴ፣ ከእዝራ አባተና ከያሬድ ተፈራና ከሌሎችም ጋር በመሆን በመዲና ባንድ ውስጥ ሰርቷል።
 
ከዚያ በኃላ ከዜማ ላስታስና ከአፍሮ ሳውንድስ ባንዶች ጋር የሰራበት ጊዜ ነበር ። ከ30 በላይ ሙሉ አልበሞችን ልዩ አድርጎም አቀናብሯል።
 
ከመሃሙድ አህመድ፣ ከፍቅርአዲስ ነቃጥበብ፣ ከአለማየሁ እሸቴ ጋር የሰራ ሲሆን፥ ቴዲ አፍሮ፣ እዮብ መኮንን፣ ሚካኤል በላይነህ፣ ዘሪቱ ከበደ፣ ልኡል ሀይሉ ሀይሌ ሩትስ፣ ሚካያ በሃይሉ፣ ትግስት በቀለ፣ ቤሪ፣ ዳን አድማሱ ጥቂቶቹ ናቸው። “ሙዚቃ በኤልያስ መልካ ከነሙሉ ክብሯ ታልፋለች”ይላሉ ብዙ ድምፃውያን።
 
ኤልያስ መልካ ለሊቱንም በመኖሪያ ቤቱ ህይወቱ እንዳለፈ ተረድተናል።
 
ፋና ብሮድካስቲንግ ኮርፖሬት በሙዚቀኛ ኤልያስ መልካ ከዚህ ዓለም በሞት መለየት የተሰማውን ትልቅ ሀዘን እየገለፀ፥ ለቤተሰቦቹ፣ ለሙያ ጓደኞቹ እና ለአድናቂዎቹ መፅናናትን ይመኛል።
 
 
ኤልያስ መልካ ከፋና 120 ደቂቃ ጋር ደረገውን ቆይታ ያድምጡ
https://soundcloud.com/fana-bc/120a
 
ኤልያስ መልካ በፋና ቀለማት
https://www.youtube.com/watch?v=aUcWbpnB134
You might also like
Comments
Loading...