Fana: At a Speed of Life!

ኢትዮጵያ የዓለም አቀፉ ማህበረሰብ ለታዳሽ ሃይል ትኩረት እንዲሰጥ አሳሰበች

አዲስ አበባ፣መስከረም 27፣2012 (ኤፍ ቢ ሲ) ኢትዮጵያ የዓለም አቀፉ ማህበረሰብ ለታዳሽ ሃይል ትኩረት እንዲሰጥ አሳስባለች።

የተባበሩት መንግስታት የአካባቢ ጥበቃ ፕሮግራም ዓመታዊ ስብሰባ ኢትዮጵያን ጨምሮ የአባል ሀገራት ተወካዮች በተገኙበት በኬንያ ናይሮቢ እየተካሄደ ነው።

የተባበሩት መንግስታት የአካባቢ ጥበቃ ፕሮግራም ዋና ዳይሬክተር ኢንግራ አንደርሰን፥ የአየር ብክለት በዓለማችን የአየር ሁኔታ ላይ አሉታዊ ተፅዕኖ እየፈጠረ መሆኑን ተናግረዋል።
ለአካባቢ የአየር ለውጥ መነሻ የሆኑ ጉዳዮችንና የችግሩ አባባሽ ሁኔታዎችን በመለየት በጋራ መከላከል አስፈላጊ መሆኑንም ዋና ዳይሬክተሯ አክለዋል።

በኬንያ የኢትዮጵያ አምባሳደር መለስ ዓለም ሀገራቸውን በመወከል ባደረጉት ንግግር የኢትዮጵያ መንግስት ለአካባቢ የአየር ንብረት ለውጥ መከላከል ያለውን ቁርጠኝነት በቅርቡ ባካሄደው የችግኝ ተከላ ማሳየቱን አውስተዋል።

ኢትዮጵያ የተባበሩት መንግስታት የአካባቢ ጥበቃ ፕሮግራም የሚያደርጋቸውን እንቅስቃሴዎች እንደምትደግፍም ያብራሩት አምባሳደሩ፥ ከነዳጅ ወደ ታዳሽ ሃይል ምንጭነት የሚደረገው ሽግግር አስፈላጊ መሆኑን አስረድተዋል።

You might also like
Comments
Loading...