Fana: At a Speed of Life!

ኢትዮጵያ ከቻን 2020 ውድድር ውጪ ሆናለች

አዲስ አበባ፣ ጥቅምት 8፣ 2012 (ኤፍ.ቢ.ሲ) ዋልያዎቹ ለስድስተኛ ጊዜ በካሜሮን አስተናጋጅነት በሚዘጋጀው ቻን 2020 ውድድር ውጪ ሆነዋል።

ዋልያዎቹ በዛሬው ዕለት ከሩዋንዳ አቻቸው ጋር ያደረጉት የመልስ ጨዋታ አንድ አቻ በሆነ ውጤት ተጠናቋል።

ለኢትዮጵያ መስፍን ታፈሰ ጨዋታው በተጀመረ 72ኛው ደቂቃ ላይ ሲያስቆጥር፥ ለሩዋንዳ ደግሞ ኤርነስት ሴጉራ በ83ኛው ደቂቃ ላይ ኳስን ከመረብ አገናኝቷል።

ይህን ተከትሎም በመጀመሪያው ዙር ጨዋታ በሜዳው 1 ለ 0 የተሸነፈው የኢትዮጵያ ብሔራዊ ቡድን ውጤቱን ቀልብሶ ወደ ቀጣይ ዙር ማለፍ አልቻለም።

በውጤቱ መሰረት ሩዋንዳ 2ለ1 በሆነ የደርሶ መልስ ውጤት የቻን 2020 ተሳታፊ መሆኗን አረጋግጣለች።

በአንፃሩ ኢትዮጵያ ከቻን 2020 ውድድር ውጪ ሆናለች።

You might also like
Comments
Loading...