Fana: At a Speed of Life!

ኢትዮጵያ ከስደተኞች ጋር በተያያዘ እያደረገች ያለውን እንቅቃሴ ተደነቀ

አዲስ አበባ፣ መስከረም 29፣ 2012 (ኤፍ.ቢ.ሲ) የተመድ የስደተኞች ጉዳይ ከፍተኛ ኮሚሽን ኢትዮጵያ ከስደተኞች ጋር በተያያዘ እያደረገች ያለውን እንቅቃሴ አደነቀ።

ከመስከረም 26 እስከ 30 ቀን 2012 ዓም ስዊዘርላንድ ጄኔቭ በመካሄድ ላይ የሚገኘው 70ኛው የተባበሩት መንግስታት ድርጅት የስደተኞች ጉዳይ ከፍተኛ ኮሚሽን የስራ አስፈጻሚዎች ስብሰባ ኢትዮጵያ በቀጠናው ሰላምን ለማስፈንና ስደተኞችን ለመርዳት እያደረገች ያለው እንቅቃሴ ውጤታማ መሆኑን አሳውቋል።

በስብሳባው ላይ ኢትዮጵያን በመወከል የኢፌዲሪ ስደተኞችና ከስደት ተመላሾች ኤጄንሲ ምክትል ዋና ዳይሬከተር አቶ አዲሱ ቀበኔሳ እና በጄኔቫ የኢፌዲሪ ልዩ መልዕክተኛና ባለ ሙስልስጣን አምባሳደር ዘነበ ከበደ ተሳትፈዋል።

በስብሳበው ላይ ንግግር ያደረጉት ምክትል ዋና ዳይሬክተር አዲሱ ቀበኔሳ ኢትዮጵያ ከሚያዝያ 2010 ዓ.ም ጀምሮ ሁሉን አቀፍ ማሻሻያ በማድረግ በቀጠናው ሳላምን ለማሰፈን ያደረገችው እንቅስቃሴ ከፍተኛ ስኬት ማስመዝገቡን ገልጸዋል።

ምክትል ዋና ዳይቴርከተሩ በማያያዝም በኢትዮጵያ ከ940 ሺህ በላይ ስደተኞች እንደሚገኙ በመግለጽ፣ ኢትዮጵያ ለስደተኞች አመቺ ፖሊሲ በመቅረጽ የስደተኞች ኑሮ የተሻለ እንዲሆን ማድረጓን ገልጸዋል።

የተባበሩት መንግስታት የስደተኞች ጉዳይ ከፍተኛ ኮሚሽን ኮሚሽነር ፊሊፖ ግራንዲ፥ ኢትዮጵያ በቀጠናው ሰላምን ለማስፈን እያደረገች ያለውን እንቅቃሴ እና ስደተኞችን ለመርዳት ያወጣቸውን ፖሊሲ በተመለከተ እድናቆታቸውን ገልጸዋል።

ዓለም አቀፉ ማህበረሰብ የኢትዮጵያን ጥረት በመደገፍ ስደተኞች በሚኖሩበት አገር የተሻለ ህይወት እንዲመሩ ማደረግ እንደሚያስፈልግም ኮሚሽነር ፊሊፖ ግራንዲ ጥሪ ማቅረባቸውንም የውጭ ጉዳይ ሚኒስቴር ቃል አቀባይ ጽህፈት ቤት አስታውቋል።

You might also like
Comments
Loading...