Fana: At a Speed of Life!

ኢትዮጵያዊያን አትሌቶች በ5 ሺህ ሜትር ውድድር ወርቅና ብር አስገኝተዋል

አዲስ አበባ፣ መስከረም 20፣ 2012 (ኤፍ ቢ ሲ) ትናንት ምሽት በዶሃ በተካሄደው የ5 ሺህ ሜትር የወንዶች ፍፃሜ ውድድር ኢትዮጵያውን አትሌቶች ድል ቀንቷቸዋል።

ሙክታር እንድሪስ ውድድሩን በአንደኝነት በማጠናቀቅ ለሀገሩ የወርቅ ሜዳሊያ አስገኝቷል።

ሙክታር ርቀቱን 12 ደቂቃ ከ58 ሰከንድ 85 ማይክሮ ሰከንድ በሆነ ስዓት በመጨረስ ነው ለሀገሩ የመጀመሪያውን ወርቅ ሜዳሊያ ያስመዘገበው።

ሰለሞን ባረጋ ውድድሩን ሁለተኛ ሆኖ በማጠናቀቅ የብር ሜዳሊያ ሲያገኝ፥ ሌላኛው ኢትዮጵያዊ ጥላሁን ሃይሌ ደግሞ 4ኛ በመሆን ውድድሩን አጠናቋል።

በኳታር እየተካሄደ ባለው 17ኛው የዶኃ አለም አትሌቲክስ ሻምፒዮና ኢትዮጵያ እስካሁን አንድ ወርቅ እና ሁለት የብር ሜዳሊያዎችን ማግኘት ችላለች።

ውጤቱን ተከትሎም አሜሪካ፣ ቻይና፣ ጀማይካን እና ኬንያን በመከተል አምስተኛ ደረጃ ላይ ተቀምጣለች።

You might also like
Comments
Loading...