Fana: At a Speed of Life!

ኢትዮጵያና ሩሲያ የኒውክለር ሀይልን ለሰላማዊ ጥቅም ለማዋል ስምምነት ተፈራረሙ

አዲስ አበባ፣ ጥቅምት12፣ 2012 (ኤፍ ቢ ሲ) ኢትዮጵያ እና ሩሲያ የኒውክለር ሀይልን ለሰላማዊ ጥቅም ለማዋል የሚያስችላቸውን የሁለትዮሽ ስምምነት በሩሲያ ሶቺ ተፈራረሙ፡፡
 
የሁለትዮሽ ስምምነቱ በሩሲያ ሶቺ እየተካሄደው ካለው የአፍሪካ ሩሲያ የኢኮኖሚ ፎረም ጎን ለጎን ነው የተፈረመው፡፡
 
የስምምነቱን ፊርማ በኢትዮጵያ በኩል የኢኖቬሽንና ቴክኖሎጂ ሚኒስትር ዶክተር ኢንጅነር ጌታሁን መኩሪያ በዛሬው ዕለት አስቀምጠዋል፡፡
 
በጠቅላይ ሚኒስትር ዶክተር አብይ አህመድ የሚመራው የኢትዮጵያ ልዑክ በፎረሙ ላይ እየተሳተፈ የሚገኝ ሲሆን በቀጣይ ከሩሲያ ፕሬዚዳንት ቭላድሜር ፑቲን ጋር የሁለትዮሽ ውይይት ይካሄዳል፡፡
 
ኢትዮጵያ በቅርቡ የኒውክለር ቴክኖሎጂን ለሃይል ምንጭነት መጠቀም የሚያስችላትን ተጨማሪ ፕሮቶኮል ፊርማ መፈረሟ የሚታወስ ነው፡፡
 
ኢትዮጵያ ኒውክለርን ለማናቸውም ሰላማዊ ጥቅም በተለይም ለጤና፣ ለግብርና፣ ለኢንዱስትሪ እና የኤሌክትሪክ ሀይልን ለማመንጨት ጭምር እቅድ አላት፡፡
You might also like
Comments
Loading...