Fana: At a Speed of Life!

ኢሉድ ኪፕቾጌ ማራቶንን ከ2 ሰዓት ባነሰ ጊዜ ውስጥ በመግባት ክብረወሰን ሰበረ

አዲስ አበባ፣ ጥቅምት 01፣ 2012 (ኤፍ ቢ ሲ) ኬንያዊው አትሌት ኢሉድ ኪፕቾጌ ማራቶንን ከ2 ሰዓት ባነሰ ጊዜ ውስጥ በመግባት የመጀመሪያው ሰው ሆነ።

አትሌቱ ዛሬ በኦሰትሪያ ቪየና ይህንን ክብረወሰን ለመስበር በተዘጋጀለት ሩጫ ላይ በመሮጥ 1 ሰዓት ከ59 ደቂቃ ከ40 ሰከንድ በመግባት ነው ክብረወሰኑን የሰበረው።

ሆኖም ሩጫው ሌሎች ተወዳዳሪዎች የተሳተፉበት ባለመሆኑ በይፋዊ ክብረ ወሰን እንደማይመዘገብ ተገልጿል።

እስካሁን ከነበረው ዝቅተኛ የመጨረሻ ጊዜም ኢሉድ ኪፕቾጌ በ20 ሰከንድ አሻሽሏል።

ሩጫውን ካጠናቀቀ በኋላ በሰጠው አስተያየትም  ሰዎችን የሚወስን ነገር እንደሌለ ውጤቱ እንደሚያሳይ ተናግሯል።

አሁን እሱ እንዳደረገውም ሌሎች እሱን ተከትሎው እያሻሻሉት እንደሚሄዱም ነው የጠቆመው።

You might also like
Comments
Loading...