Fana: At a Speed of Life!

አፍጋኒስታን በርካታ የታሊባን ታጣቂዎችን ከእስር ለቀቀች

አዲስ አበባ፣ መስከረም 26፣ 2012 (ኤፍ ቢ ሲ) አፍጋኒስታን በርካታ ቁጥር ያላቸው የታሊባን ታጣቂዎችን ከእስር መልቀቋ ተሰምቷል።

በአፍጋኒስታን መንግስት ቁጥጥር ስር የነበሩ በርካታ የታሊባን ታጣቂዎች ከእስር መለቀቃቸውን የቡድኑ ሃላፊዎች አስታውቀዋል።

ታጣቂዎቹ ከእስር የተለቀቁትም በአፍጋኒስትን የአሜሪካ ተወካይ ከታሊባን ከፍተኛ አመራሮች ጋር በፓኪስታን ዋና ከተማ እስላማባድ ውይይት ካደረጉ ከአንድ ቀን በኋላ ነው ተብሏል።

ከእስር ከተለቀቁት ውስጥም የኩናራ ሰሜን ምስራቅ ግዛት አስተዳዳሪ የነበሩት ሼክ አብዱል ራሂም እና ማኡሊቪ ራሺድ የተካተቱ መሆኑ በዘገባው ተመላክቷል።

ከዚህ ባለፈም ሶስት ህንዳውያን የምህንድስና ባለሙያዎች ከታጣቂዎች ጋር አብረው መለቀቃቸው ታውቋል።

ይሁን እንጂ የአፍጋኒስታን መከላከያ ሚኒስቴርም ሆነ የሀገሪቱ ፕሬዚዳንት ፅህፈት ቤት በጉዳዩ ዙሪያ ማብራሪያ ከመስጠት መቆጠባቸው ነው የተገለጸው።

ምንጭ፦አልጀዚራ

You might also like
Comments
Loading...