Fana: At a Speed of Life!

በኤሌከትሮኒክስ ቪዛ አገልግሎት 200 ሺህ መንገደኞች ኢትዮጵያን ጎብኝተዋል

አዲስ አበባ፣ ጥቅምት 6፣ 2012 (ኤፍ ቢ ሲ) የኢትዮጵያ አየር መንገድ እና የኢትዮጵያ ኢሚግሬሽን አገልግሎት በጋራ መስጠት በጀመሩት የኤሌክትሮኒክስ ቪዛ አገልግሎት 200 ሺህ የተለያዩ ሀገራት ዜጎች ኢትዮጵያን ጎብኝተዋል።

መስሪያ ቤቶቹ የኤሌከትሮኒክስ ቪዛ አገልግሎትን እንደ አውሮፓውያን አቆጣጠር 2017 ሰኔ ወር ላይ ጀምሮ ለደንበኞቹ ተደራሽ ማድረጋቸው ይታወቃል።

ይህን ተከትሎም የተለያዩ ሀገራት ቱሪስቶች ከየትኛውም የአለም ክፍል ሆነው በአገልግሎቱ በመጠቀም በቀላሉ ወደ ሀገሪቱ መግባት መቻላቸውን የኢትዮጵያ አየር መንገድ እና የኢሚግሬሽን አገልግሎት በጋራ በሰጡት መግለጫ አስታውቀዋል።

በዚህ መሰረትም አግልግሎቱ ስራ ላይ ከዋለበት ጊዜ ጀምሮ ከ217 ሀገሮች በአገልግሎቱ ተጠቃሚ የሆኑ 200 ሺህ ቱሪስቶች ኢትዮጵያን ጎብኝተዋል።

አገልግሎቱ ለኢትዮጵያ አየር መንገድ ትልቅ ጥቅም ከማስገኘቱ ባለፈ ቱሪዝምን በማስተዋወቅ እና በንግድና ኢንቨስትመንት ሀገሪቱን ተጠቃሚ ያደረገ መሆኑን የኢትዮጵያ አየር መንገድ ዋና ስራ አስፈጻሚ አቶ ተወልደ ገብረማሪያም ተናግረዋል።

ከዚህ ባለፈም በፍጥነት እያደገ ያለው የአየር መንገዱ ዓለም አቀፋዊ ተደራሽነት በሀገሪቱ ካለው የሆቴል አገልግሎት ጋር ተቀናጅቶ ኢትዮጵያን ተመራጭ የኮንፈረንስ እና ቱሪዝም መናኸሪያ እንደሚያደርጋት ተጠቁሟል።

You might also like
Comments
Loading...