Fana: At a Speed of Life!

አቶ ደመቀ በአለም ባንክ የዓለም አቀፍ የፋይናንስ ትብብር ተቋም የአፍሪካ ምክትል ፕሬዚዳንት ጋር ተወያዩ

አዲስ አበባ፣መስከረም 27፣2012 (ኤፍ ቢ ሲ) ምክትል ጠቅላይ ሚኒስትር አቶ ደመቀ መኮንን በአለም ባንክ የአለም አቀፍ የፋይናንስ ትብብር ተቋም የመካከለኛው ምስራቅ እና የአፍሪካ ምክትል ፕሬዚዳንት ሰርጆ ፒሜንታ ጋር ተወያይተዋል።

በውይይቱ በሀገር አቀፍ ደረጃ በተጀመረው ሀገር በቀል የኢኮኖሚ እና የፋይናንስ ማሻሻያ ሪፎርም መሰረት በቢዝነስ እና በኢንቨስትመንት ዙሪያ ምቹ ሁኔታ ለመፍጠር በርካታ ስራዎች እየተከናወኑ መሆኑን አቶ ደመቀ አብራርተዋል።

የአለም አቀፍ የፋይናንስ ትብብር ተቋም በኢትዮጵያ ለግሉ ዘርፍ የገበያ ትስስር ውጤታማነት የሚያደርገውን የአቅም ግንባታ ድጋፍ በማድነቅ፤ በቀጣይ ለሀገር በቀል የኢኮኖሚ እና የፋይናንስ ማሻሻያ ሪፎርም ውጤታማነት የተቋሙ ድጋፍ ወሳኝ መሆኑንም አክለዋል።

ሰርጆ ፒሜንታ በበኩላቸው ሃገር በቀል የኢኮኖሚ እና የፋይናንስ ማሻሻያ ሪፎርሙ የተረጋጋ እና ጠንካራ ኢኮኖሚ ለመገንባት እንደሚያግዝ ተናግረዋል።

በማሻሻያ እርምጃው የፋይናንስ ተቋማትን አሰራር የማዘመን እና የማስተካከል እንቅስቃሴ የሚበረታታ መሆኑን የገለፁት ሰርጆ፥ ቀደም ሲል መንግስት መር የነበሩ ግዙፍ የልማት ተቋማት ለግሉ ዘርፍ ተሳትፎ ክፍት መደረጋቸውን አድንቀዋል።

ተቋማቸው በግብር ፣ በአምራች እና በግሉ ዘርፍ የገበያ ዕድል ትስስር ዙሪያ የጀመረው የአቅም ግንባታ ድጋፍ ተጠናክሮ የሚቀጥል መሆኑን አመላክተዋል።

በተጨማሪም ተቋሙ መንግስት የጀመረውን ሀገር በቀል የኢኮኖሚ እና የፋይናንስ ማሻሻያ ሪፎርም እንደሚደግፍ መግለፃቸውን ከምክትል ጠቅላይ ሚኒስትር ፅህፈት ቤት ያገኘነው መረጃ ያመላክታል።

 

You might also like
Comments
Loading...