Fana: At a Speed of Life!

 አሜሪካ ተጨማሪ ወታደሮችን ወደ ሳዑዲ ዓረቢያ ልትልክ ነው

አዲስ አበባ፣ ጥቅምት 01፣ 2012 (ኤፍ ቢ ሲ) አሜሪካ ተጨማሪ ወታደሮችን ወደ ሳዑዲ ዓረቢያ ልትልክ መሆኑን አስታውቃለች ።

ወታደሮቹ በስፍራው የሚሰማሩትም ኢራን በቀጠናው ልታደርስ የምትችለውን ጥቃት ለመቋቋም መሆኑን የአሜሪካ መከላከያ ሚኒስቴር አስታውቋል።

በሳለፍነው መስከረም ወር ላይ በሁለት የሳዑዲ ዓረቢያ ነዳጅ ማጣሪያ ተቋማት ላይ ጥቃት መፈጸሙ ይታወሳል።

ሳዑዲ ዓረቢያ፣ አሜሪካና የአውሮፓ ሀገራት ጥቃቱ በኢራን የተፈጸመ መሆኑን በመግለፅ ሃላፊነት እንድትወስድ ጠይቀዋል።

ኢራን በበኩሏ በጥቃቱ ላይ እጇ የሌለበት መሆኑን በመግለፅ ፥በዚህ  ምክንያት ከየትኛውም ሀገር የሚቃጣን ጥቃት ለመመከት ዝግጁ መሆኗን አስታውቃለች።

በሌላ በበኩል ባለቤትነቷ የኢራን ብሄራዊ ነዳጅ ኩባንያ የሆነች ነዳጅ ጫኝ መርከብ በትናንትናው ዕለት ከሳውዲ የወደብ ከተማዋ ጂዳ 120 ኪሎ ሜትር ርቀት ላይ በእሳት መያያዟ ተነግሯል።

ይህን ተከትሎም በመካከለኛው ምስራቅ ሀገራት መካከል ውጥረት መንገሱ ነው የሚነገረው።

ስለሆነም አሜሪካ ኢራን በሳዑዲ ዓረቢያ ላይ ልተፈፅም የምትችለውን ጥቃት ለመመከት የሚያስችሉ ተጨማሪ መታደሮችን እና የተለያዩ ዘመናዊ ጦር መሳሪዎች ወደ ቦታው ልትልክ መሆኑ ተነግሯል።

አሜሪካ ባሳለፈነው መስከረም ወር ላይ 3 ሺህ የሚደርሱ ወታደሮቿን በመካከለኛው ምስራቅ ማሰማራቷ ይታወሳል።

 

 

ምንጭ ፦ሬውተርስ

You might also like
Comments
Loading...