Fana: At a Speed of Life!

አሜሪካ በታሊባን አደንዛዥ ዕፅ ማዕከላት ላይ በፈጸመችው ጥቃት 30 ንፁሃን ተገድለዋል

አዲስ አበባ፣መስከረም 28፣2012 (ኤፍ ቢ ሲ) አሜሪካ ባለፈው ሚያዚያ ወር ላይ በታሊባን ታጣቂዎች አደንዛዥ ዕፅ ማዕከላት ላይ በፈጸመችው የአየር ላይ ጥቃት 30 ንጹሃን ዜጎች መገደላቸውን ተመድ አስታውቋል።

የተባበሩት መንግስታት ድርጅት ጉዳዩን አስመልክቶ በዛሬው ዕለት ባወጣው ሪፖርት፥ አሜሪካ ባሳለፈነው ሚያዚያ ወር ላይ በአፍጋኒስታን የታሊባን ታጣቂዎች ይዞታ በተባሉ በርካታ የአደንዛዥ ዕፅ ማዕከላት ላይ የአየር ላይ ጥቃት ፈፅማለች።

በሪፖርቱ መሰረት በተፈጸመው የአየር ላይ ጥቃት 49 የሚሆኑ ሰላማዊ ዜጎች ላይ ከፍተኛ ጉዳት መድረሱ ነው የተገለጸው።

ከእነዚህ ንጹሃን ዜጎች ውስጥም 30 የሚሆኑት ለህልፈት መዳረጋቸው በሪፖርቱ ተመላክቷል።

የተፈጸመው የአየር ላይ ጥቃትም የአለም አቀፉን የሰብዓዊ መብት ድንጋጌ  የጣሰ እና ሃላፊነት የጎደለው ተግባር መሆኑ ተጠቁሟል።

ይሁን እንጂ አሜሪካ በተባበሩት መንግስታት ድርጅት የወጣውን ሪፖርትም ሆነ ወቀሳ ውድቅ አድርጋለች።

ምንጭ ፦አልጀዚራ

You might also like
Comments
Loading...