Fana: At a Speed of Life!

አሜሪካ በሰሜን ሶሪያ የሚገኙ ወታደሮቿን ማስወጣት ጀምራለች

አዲስ አበባ፣ መስከረም 26፣ 2012 (ኤፍ.ቢ.ሲ) የቱርክ ፕሬዚዳንት ረሲፕ ጣይብ ኤርዶሃን አሜሪካ በሰሜን ሶሪያ የሚገኙ ማስወጣት መጀመሯን ተናግረዋል።

የሰላም አስከባሪ ወታደሮቹ ከስፍራው መውጣት የጀመሩትም ፕሬዚዳንት ኤርዶሃን በጉዳዩ ዙሪያ ከአሜሪካ አቻቸው ፕሬዚዳንት ዶናልድ ትራምፕ ጋር በስልክ መወያየታቸውን ተከትሎ  ነው ተብሏል።

ዩናይትድ ስቴትስ እና አንካራ በቅርቡ ሰሜን ሶሪያ አቅራቢያ ከጦርነት ነፃ ቀጠና ለመመስረት ስምምነት ላይ መድረሳቸው ይታወሳል።

ስምምነቱን ተፈፃሚ ለማድረግም ቱርክ በቀጠናው የሚንቀሳቀሱ የሽብር ቡድኖችን ለማስወገድ የሚያስችል ወታደራዊ ዘመቻ ሊታካሂድ መሆኗን በትናንትናው ዕለት አስታውቃለች ።

ሀገሪቱ የፀረ ሽብር ዘመቻውን የምታካሂደውም አሜሪካ በስምምነቱ መሰረት በቀጠናው የሚንቀሳቀሱ እና በእርሷ እንደሚደገፉ የሚነገርላቸው የኩርዲሽ አማጺያንን በተባለው ጊዜ ከአካባቢው ልታስወጣ ባለመቻሏ ነው።

በአንፃሩ ዋሽንግተን አንካራ በቀጠናው ለምታካሂደው የጸረ ሽብር ዘመቻ ምንም አይነት ድጋፍ የማታደርግ መሆኑን አስታውቃለች ።

በአካባቢው ስለ ሚመሰረትው የሰላም ቀጠና ቀጣይ ውይይቶች የሚደረጉ መሆኑን የገለጹት ኤርዶሃን፥ ለዚህም ጥቅምት ወር አጋማሽ ላይ ከፕሬዚዳንት ዶናልድ ትራምፕ ጋር የሚገናኙ መሆኑን ጠቁመዋል።

ምንጭ፦ሬውተርስ

 

You might also like
Comments
Loading...