Fana: At a Speed of Life!

አሜሪካ በሁለት የቱርክ ሚኒስቴር መስሪያ ቤቶች ላይ ማዕቀብ ጣለች

 

አዲስ አባበ፣ ጥቅምት 4፣ 2012 (ኤፍ ቢ ሲ) አሜሪካ ቱርክ በሰሜን ሶሪያ እያካሄደች ያለውን ወታደራዊ ዘመቻ ተከትሎ በሀገሪቱ ሁለት ሚኒስቴር መስሪያ ቤቶች ላይ ማዕቀብ መጣሏን አስታውቃለች።

ቱርክ ካሳለፈነው ሳምንት ጀምሮ በሰሜን ሶሪያ የሚንቀሳቀሱ የሽብር ቡድኖችን ለመደምሰስ ያለመ ወታደራዊ ዘመቻ እያካሄደች መሆኑ ይታወቃል።

ይህን ተከትሎም የተለያዩ ሀገራት ቱርክ በቀጠናው እየፈጸመች ያለውን የተቀናጀ ጥቃት እንድታቆም እያሳሰቡ ይገኛሉ።

በዚህ መሰረትም በቱርክ መከላከያ እና ኢነርጂ ሚኒስቴር መስሪያ ቤቶች እንዲሁም በሶስት ከፍተኛ የመንግስት ባለስልጣናት ላይ ያነጣጠረ ማዕቀብ መጣሏን አስታውቃለች፡፡

በሚኒስቴር መስሪያ ቤቶች ላይ የተጣለው ማዕቀብም በሀገሪቱ ኢኮኖሚ ላይ ከፍተኛ ኪሳራ የሚያስከትል መሆኑን የአሜሪካ የግምጃ ቤት ሚኒስትር ቴቨን ሙኒሽን ተናግረዋል።

አንካራ በቀጠናው እየፈጸመችው ያለውን ጥቃት የማታቆም ከሆነም አሜሪካ በሀገሪቱ ላይ ተጨማሪ ማዕቀብ ለመጣል የምትገደድ መሆኑን ቴቨን ሙኒሽን ጠቁመዋል።

በጉዳዩ ዙሪያ ከቱርክ አቻቻው ረሲጵ ጣይብ ኤርዶሃን ጋር በስልክ የመከሩት ፕሬዚዳንት ዶናልድ ትራምፕ አንካራ በሰሜን ሶሪያ የምትፈፅመውን ጥቃት በአስቸኳይ እንድታቆም አስጠንቅቀዋል።

ዋሽንግተንና አንካራ በሰሜን ሶሪያ ያለውን ቀውስ በመፍታት በአካባቢው የሰላም ቀጠና ለመመስረት መስማማታቸው ይታወሳል።

ምንጭ ፥ቢቢሲ

You might also like
Comments
Loading...