Fana: At a Speed of Life!

 ችሎት ላይ ለወንድሙ ገዳይ ይቅታ ያደረገው ጥቁር አሜሪካዊ

አዲስ አበባ፣ መስከረም 23፣ 2012 (ኤፍ ቢ ሲ) ችሎት ላይ ለወንድሙ ገዳይ ይቅርታ ያደረገው ጥቁር አሜሪካዊ ወጣት ብዙዎችን አስገርሟል።

ሰሞኑን በአሜሪካ አንድ ፍርድ ቤት ውስጥ የተከሰተው ትዕይንት የሠው ልጆችን ይቅርታ የማድረግና እና አብሮ የመኖር ስሜትን ይበልጥ የሚበረታታ ነበር።

ነገሩ እንዲህ ነው አምበር ጉይገር የተባለች ነጭ አሜሪካዊት ፖሊስ ኦፊሰር ቦትሃም የተባለ የ26 ዓመት ጥቁር አሜሪካዊን ከአንድ ዓመት በፊት በስህተት ተኩሳ ትገድላለች ።

በዚህ ድርጊቷ  በፖሊስ ቁጥጥር ስር የዋለችው ኦፊሰሯም ወጣቱን ያለምንም ጥፋት በጥርጣሬ ብቻ ተኩሳ መግደለዋን አምናለች።

መርማሪ ፖሊስም ጥቁር አሜሪካዊው ወጣት ያለምንም ጥፋት በፖሎሊስ ኦፊሰሯ መገደሉን በበቂ መረጃ ያረጋግጣል።

የፍርድ ቤቱ ዳኞችም በቀረበላቸው መረጃ መሰረት በተጠርጣሪዋ ላይ ብይን ለመስጠት በችሎት ላይ ተሰይመዋል።

በዚህ ወቅትም ብራንድት የተባለው የመሟች ወንድም ዳኛውን ጨምሮ የችሎት ታዳሚዎችን ያስለቀሰ ድርጊት ፈፅሟል።

ብራንድት ስሜታዊ በመሆን ዳኛን ካስፈቀደ በኋላ ውሳኔ የምትጠባበቀውን የወንድሙን ገዳይ እንዲህ አላት “ወንድሜን በጣም እወደው ነበር፤ህይወቱ ማለፉን ተከትሎ አባታችን በሀዘን ክፉኛ ተጎድቷል፤ይሁን እንጂ የሆነው ሁሉ በስህተትተፈፅሟል፤ያንቺ መታሰር ወንድሜን አይመልሰውም፤ለቤተሰቡም የሚያስገኘው አንዳች ነገር የለም፤እውነት አንቺ በሰራሽው ስህተት አምነሽ የምትጸጸች ከሆነ ይቅርታ ላደርግልሽ እወዳለሁ በማለት አቀፎ ስሟታል።

ይህ የሟች ወንድም ድርጊትም ዳኛውን ጨምሮ የችሎቱን ታዳሚዎች በእምባ ያራጨ መሆኑ ቢቢሲ አስነብቧል።

You might also like
Comments
Loading...