Fana: At a Speed of Life!

ቻይና በአሜሪካውያን ጎብኝዎች ላይ የቪዛ ገደብ ልትጥል ነው

አዲስ አበባ፣ መስከረም 28፣ 2012 (ኤፍ.ቢ.ሲ) ቻይና ወደ ሀገሯ በሚገቡ የአሜሪካ ዜግነት ያላቸው ቱሪስቶች ላይ የቪዛ ገደብ ለመጣል ማቀዷ ተሰምቷል።

ቻይና የቪዛ ገደቡን መጣል ያቀደቸው በተለይም ፀረ ቻይና በሆኑ የአሜሪካ ተቋማት ጋር ግንኙነት ያላቸው ሰዎች ላይ እንደሆነም ነው የተገለፀው።

የቻይና የማህበራዊ ደህንነት ሚኒስቴር በማንኛውም የአሜሪካ የደህንነት ተቋም እና የመብት ተሟጋች ድርጅት ውስጥ ለሚሰሩ ወይም በተቋማቱ ስፖንሰርነት የሚንቀሳቀሱ ግለሰቦች ቪዛ ላይ ገደብ ለመጣል የሚያስችለውን ህግ ለወራት ሲያረቅ መቆየቱ ተነግሯል።

ቻይና ይህን ህግ እንድታዘጋጅ ያስገደዳትም አሜሪካ ባሳለፍነው ዓመት ግንቦት ወር ላይ ወደ ሀገሯ በሚገቡ የቻይና ምሁራን ላይ የቪዛ ስርዓቱን ጥበቅ ማድረጓ ን ተከትሎ ነው ተብሏል።

አዲሱ የቻይና የቪዛ ህግም የአሜሪካ ጦር እና የስለላ ተቋም እንዲሁም የመብት ተሟጋች ቡድኖች ሰራተኞችን መለየት እና መከታተልን ጨምሮ የቪዛ ጥቁር መዝገብ ውስጥ እስከማስገባት የሚደርስ ነው ተብሏል።

ቤጂንግ አሜሪካ እና ሌሎች ሀገራት የደህንነት እና የመበት ተሟጋች ድርጅቶችን በመጠቀም በቻይና ውስጥ እና በሆንግ ኮንግ ፀረ መንግስት አመጾች እንዲነሱ እያደረጉ ነው የሚል እምነት አላት።

የቻይና የቪዛ ገደብ እቅድ ላይ ለረጅም ጊዜ ውይይት ሲደረግ እንደቆየ የተነገረ ሲሆን፥ አሜሪካ በቅርቡ ቻይና በሀገሯ ባሉ ሙስሊሞች ላይ የመበት ጥሰት እየፈፀመች ነው በሚል የቻይና ባለስልጣናት ላይ የቪዛ ክልከላ በማውጣቷ ነው ወደ ትግባር ለመግባት ያቀደችውም ተብሏል።

ምንጭ፦ www.reuters.com

You might also like
Comments
Loading...