Fana: At a Speed of Life!

ቱርክ እና ሩሲያ የኩርድ ታጣቂ ሃይሎች ከሰሜናዊ ሶሪያ ለቀው እንዲወጡ ተስማሙ

አዲስ አበባ ፣ ጥቅምት 12 ፣ 2012 (ኤፍ ቢ ሲ) ቱርክ እና ሩሲያ የኩርድ ታጣቂ ሃይሎች ከሰሜናዊ ሶሪያ ለቀው እንዲወጡ ተስማሙ።

የቱርኩ ፕሬዚዳንት ሬሲፕ ታይፕ ኤርዶኻን እና የሩሲያ አቻቸው ቭላድሚር ፑቲን የኩርድ ታጣቂዎች ሰሜናዊ ምስራቅ ሶሪያን በ150 ሰዓታት ውስጥ ለቀው እንዲወጡ ስምምነት ደርሰዋል።

ታጣቂዎቹ ቱርክ ባለፈው ሳምንት “ሰላማዊ ቀጠና” በሚል ከሰየመችው አካባቢ በተቀመጠው የጊዜ ገደብ ለቀው የሚወጡ ይሆናል።

ይህን ተከትሎም ቱርክ እና ሩሲያ በአካባቢው ቅኝት የሚያደርጉ ይሆናል ነው የተባለው።

የአሁኑ ስምምነት ሁለቱ መሪዎች በሩሲያ ሶቺ ተገናኝተው ከተወያዩ በኋላ የተደረሰ ነው።

በስምምነቱ መሰረትም ቱርክ በታል አብያድ እና ራስ አል አይን መካከል የሚገኝን እና 32 ኪሎ ሜትር ስፋት ያለው ስፍራን ትቆጣጠራለች።

ቱርክ በአካባቢው የዛሬ ሁለት ሳምንት አካባቢ በኩርድ ታጣቂዎች ላይ ጥቃት መሰንዘር መጀመሯ ይታወሳል።

 

ምንጭ፦ አልጀዚራ እና ቢቢሲ

You might also like
Comments
Loading...