Fana: At a Speed of Life!

ቱርክ በሰሜን ሶሪያ የጸረ ሽብር ዘመቻ እያካሄደች ነው

አዲስ አበባ፣ መስከረም 29፣ 2012 (ኤፍ ቢ ሲ) ቱርክ በሰሜን ሶሪያ የምታካሂደውን የፀረ ሽብር ዘመቻ መጀመሯን አስታውቃለች።

የቱርክ ፕሬዚዳንት ረሲፕ ጣይብ ኤርዶኻን ሀገራቸው በሰሜን ሶሪያ የምታካሂደው ወታደራዊ ዘመቻ በቀጠናው የሚንቀሳቀሱ የሽብር ቡድኖችን ለማስወገድ ያለመ መሆኑን ተናግረዋል።

ይህም በሰሜን ሶሪያ ያለውን ቀውስ ሰበብ በማድረግ በቀጠናው የሽብር ድርጊት የሚፈፅሙ ታጣቂዎችን  ከማስወገዱ ባሻገር  በኮሪደሩ እንደ አዲስ የሚፈለፈሉ የሽብር ቡድኖችን ለማስቀረት ያስችላል ነው የተባለው ።

ከዚህ ባለፈም ወታደራዊ ዘመቻው በአካባቢው ለሚመሰረተው የሰላም ቀጠና ከፍተኛ አስተዋፅኦ የሚኖረው መሆኑ ተመላክቷል።

ለዚህ ዓላማ መሳካትም  የቱርክ አየር ሃይል እና የምድር ጦር በቀጠናው በሚንቀሳቀሱት የኩርድ አማፅያን ይዞታ ላይ ጥቃት መፈጸም መጀመሩ ተሰምቷል።

እስካሁን ባለው ጊዜም በኩርድ አማጺያን በሚመሩት የሶሪያ ዴሞክራሲ ሃይሎች ይዞታ በሆኑ 181 ስፍራዎች ላይ ጥቃት መፈጸሙን የቱርክ ወታደራዊ ሃይል አስታውቋል።

ይሁን እንጂ ቱርክ በሰሜን ሶሪያ እያካሄደችው ያለው ወታደራዊ እርምጃ በቀጠናው ያለውን ቀውስ ይበልጥ እንዳያባብሰው ተሰግቷል።

ለዘመቻው በቀጠናው የተሰማሩ ሰላም አስከባሪ ወታደሮቿን ለማስወጣት የተስማማችው አሜሪካ፥ የጸረሽ ሽብር ዘመቻው ውጤቱ የከፋ ሊሆን እንደሚችል በመግለፅ ለድርጊቱ ይሁንታ አለመስጠቷን አስታውቃለች።

 

 

ምንጭ፦ አልጀዚራ

You might also like
Comments
Loading...