Fana: At a Speed of Life!

ብቸኛ ሰዎችን ብቻ የሚያስተናግደው ምሽት ቤት

አዲስ አበባ፣ጥቅምት10፣ 2012 (ኤፍ ቢ ሲ) ብቻቸውን ለሚመጡ ሰዎች ብቻ አገልግሎት የሚሰጠው ምሽት ቤት ብዘዎችን አስገርሟል።

ሰዎች በስራ ተወጥሮ የዋለውን አዕምሯቸውን ዘና ለማድረግ ወደ መረጡት ምሽት ቤት አሊያም መዝናኛ ቦታ ጎራ ይላሉ።

በምሽት ቤቱ የሚኖራቸው ቆይታ ያማረ እና ደስተኛ እንዲሆኑም ከጓደኛቸው፣ ከቤተሰብ አሊያም ከስራ ባልደረባቸው ጋር ሰብሰብ ብሎ  መጫወት የተለመደ ነው።

ብዙዎቹ ምሽት ቤቶችና መዝናኛ ቤቶችም በቡድን አሊያም በጥንድ የሚመጡ ደንበኞቻቸውን ያበረታታሉ ።

በቶኪዮ የሚገኝ  አንድ ምሽት ቤት ግን  ከዚህ የተለየ ነው ።

ቶሪ የተሰኛው ይህ ምሽት ቤት አገልግሎት የሚሰጠው ብቻቸውን ለሚመጡ ደንበኞች ብቻ ነው።

ምሽት ቤቱ  ጥንድ ሆነው ወይም በቡድን ሰብሰብ ብለው ለመዝናናት ለሚመጡ ደንበኞች ቦታ የለውም።

ስለሆነም በዚህ ምሽት ቤት ማንኛውም ደንበኛ ከሚወዳት ፍቅረኛው ጋርም ሆነ ከቤተሰብ አባል ወይም የስራ ባልደረባ ጋር አብሮ መዝናናት አይችልም፤ እንዲገባም አይፈቀድለትም።

ይሁን እንጂ ደንበኞቹ ምሽት ቤቱ ከገቡ በኋላ ውስጥ ከሚስተናገዱት ሰዎች ጋር የፈለጉትን ጨዋታ በመጫወት ጊዜያቸውን ሊያሳልፉ ይችላሉ።

እንደ ድርጅቱ ባለቤት ገለፃ  የቶሪ ምሽት ክለብ ዓላማ ብቸኝነትን ማበረታታት ወይም ማህበራዊ መስተጋብርን መቃረን  አይደለም ።

ይልቁንስ ሰዎች ለራሳቸው በቂ  ጊዜ እንዲሰጡ እና እራሳቸውን እንዲያዳምጡ ብሎም ዘና እንዲሉ ለማስቻል መሆኑን ያብራራሉ።

ከዚህ ባለፈም ወደ ምሽት ቤቱ ብቻቸውን የሚመጡ ሰዎች ቆይታቸው ያማረ ይሆን ዘንድ ከዚህ በፊት ከማያውቁት ሰው ጋር የመተዋወቅ አጋጣሚን የሚፈጥር መሆኑን ተናግረዋል።

ምሽት ቤቱ  ከውጭ እንደሚባለው አለመሆኑን የገለጹት ደንበኞቹ፥ አዳዲስ ሰዎችን ለመተዋወቅ ጥሩ መድረክ የሚፈጥር መሆኑን ተናግረዋል ።

ምንጭ ፦ኦዲቲ ሴንትራል

You might also like
Comments
Loading...