Fana: At a Speed of Life!

ብሔራዊ የቁጠባ ቀን ሊከበር ነው

አዲስ አበባ፣ መስከረም 30፣ 2012 (ኤፍ.ቢ.ሲ) ብሔራዊ የቁጠባ ቀን ሊከበር ነው፡፡

የኢትዮጵያ ንግድ ባንክ ከጥቅምት 1፣ 2012 ጀምሮ ለአንድ ወር የሚቆይ በተለያዩ ዝግጅቶች የሚከበር ብሔራዊ የቁጠባ ቀን እንደሚያከብር ገለፀ፡፡

የኢትዮጵያ ንግድ ባንክ ፕሬዚዳንትና ዋና ስራ አስፈፃሚ አቶ ባጫ ጊና ባንኩ ብሔራዊ የቁጠባ ቀንን በማክበር ረገድ በሀገሪቱ የመጀመሪያ መሆኑን ተናግረዋል፡፡

ባንኩ ዓለም አቀፍ ተሞክሮዎችንና የቁጠባ ባህልን ለማሳደግ ይከተላቸው የነበሩ ስትራቴጂዎችን በማጣመር በጥቅምት ወር የቁጠባ ስራዎችን በስፋት ለመስራት መዘጋጀቱንም ነው የገለጹት፡፡

በትምህርት ቤቶች፣ ገበያ ማዕከላት፣ ህዝብ በሚበዛባቸው ቦታዎች፣ በዩኒቨርሲቲዎች፣ በንግድ ማዕከላት፣ በወታደራዊ ካምፖችና መሰል ተቋማት በቁጠባ አስፈላጊነትና ፋይዳ ዙሪያ ውይይቶችን በማድረግ የቁጠባ ሂሳብ በመክፈት ይከበራል ነው ያሉት።

ከነገ ጀምሮ ለ30 ቀናት የሚከበረው በዓል “ነገን የተሻለ ለማድረግ ዛሬ እንቆጥብ” በሚል መሪ ሀሳብ የሚከበር እንደሆነ ነው የተገለጸው።

በአወል አበራ

You might also like
Comments
Loading...