Fana: At a Speed of Life!

በ40ኛው የአለም አቀፉ የሲቪል አቪዬሽን ጉባዔ በኢትዮጵያ የቀረበው ሰነድ ተቀባይነት አገኘ

አዲስ አበባ፣ መስከረም 28፣ 2012(ኤፍ.ቢ.ሲ) በካናዳ ሞኒትሪያል ሲካሄድ በቆየው 40ኛው የአለም አቀፉ የሲቪል አቪዬሽን ጉባዔ ላይ ኢትዮጵያ ያቀረበችው ሰነድ ተቀባይነት አገኘ፡፡

ሰነዱ በአቪዬሽን ሴክተሩ ላይ የሚታዩ ተግዳሮቶችን ለመፍታት የሚያስችል በተለይም በስልጠናና በአቅም ግንባታ ዙሪያ ላይ ያተኮረ ነው ተብሏል።

በዚህም መሰረት ጠቅላላ ጉባዔው ሰነዱን መነሻ በማድረግ በተለያዩ ጉዳዮች ላይ አቅጣጫ አስቀምጧል።

ጉባኤው አባል አገራቱን ለማጠናከር ስልጠናዎችን በፋይናንስ የሚደግፉ ሀገራትንና አለም አቀፍ ተቋማትን ማስተባበር የአለም አቀፉ ሲቪል አቪዬሽን ድርጅት የአባል ሀገራቱን የስልጠና እና አቅም ግንባታ ፍላጎት በመለየት አቅማቸውን ለማጎልበት መስራት እንዳለበት ተጠቁሟል።

የአለም አቀፉ የአቪዬሽን ስልጠና በፈረንጆቹ 2015 ያጸደቀውን የአቪዬሽን ስልጠና እና አቅም ግንባታ ፍኖተ ካርታ እንዲተገበር እገዛ ማድረግ እንደሚገባም አቅጣጫ ተቀምጧል።ሚ

ሀገሮች የየራሳቸውን የስልጠና ማእከላት በማደራጀትና በማጠናከር ስልጠና በመስጠት የአቅም ክፍተታቸውን እንዲሞሉ ማበረታታ እንደሚያስፈልግ መነገሩን ከትራንስፖርት ሚኒስቴር ያገኘነው መረጃ ያመለክታል፡፡

You might also like
Comments
Loading...