Fana: At a Speed of Life!

በ2019 ደስተኛ ህዝቦች የሚኖሩባት ሃገር

አዲስ አበባ፣ ጥቅምት 7፣ 2012 (ኤፍ ቢ ሲ) ፊንላንድ በ2019 የዓለማችን ደስተኛ ህዝቦች የሚኖሩባት ሀገር ሆና በድጋሚ ተመርጣለች።

እንደ ስነ ልቦና ምሁራን አስተያየት እያንዳንዱ ሰው ደስተኛ የሚሆንባቸው የተለያዩ የአኗኗር ዘይቤዎች ይኖሩታል።

በሌላ በኩል ዜጎች ደስተኛ የሆነ ህይወት ያሳልፉ ዘንድ የሚኖሩበት ሀገር ያለው ማህበራዊ፣ ኢኮኖሚያዊና ፖለቲካዊ ሁኔታ ከፍተኛ ተፅዕኖ ያሳድራል።

በፈረንጆቹ 2019 የደስተኛ ሀገራትን ዝርዝር ያወጣው ሪፖርት እንደሚያሳየው ፊንላንድ በድጋሚ ከዓለም ደስተኛ ህዝቦች የሚኖሩባት ሀገር ሆና ተመርጣለች።

የሀገር ውስጥ ጠቅላላ ምርት እድገትና የነፍስ ወከፍ ገቢ፣ ሰዎች በአማካይ በህይወት የሚኖሩበት የእድሜ ጣራ፣ የህይወት ምርጫን የማድረግ ነጻነት፣

የማህበራዊ ኑሮ ትስስር፣ የሙስና ሁኔታ እና የመሳሰሉት ጉዳዮች የሀገራቱን ነዋሪዎች የደስተኝነት ደረጃ ለመገምገም ጥቅም ላይ ውለዋል።

ከፊንላንድ በመቀጠልም ዴንማርክ፣ ኖርዌይ፣ አይስላንድ እና ኔዘርላንድስ ተከታዩን ደረጃ ይዘዋል።

በአንፃሩ ቬኒዝዌላ፣ ሶሪያ፣ ቦትስዋና እና የመን በ2019 በዓለም ደስተኛ ያልሆኑ ህዝቦች የሚኖሩባቸው ሀገራት ተብለዋል።

ለዚህም በሀገራቱ ያለው የፖለቲካ ቀውስ፣ የእርስ በርስ ግጭት፣ የኢኮኖሚ መዳከምና የማህበራዊ ትስስር መላላት በምክንያትነት ተጠቅሷል።

በሌላ በኩል ምዕራብ አፍሪካዊቷ ሀገር ቤኒን የህዝቦቿን የደስተኝነት ሁኔታ በከፍተኛ ሁኔታ እያሻሻለች በሚል መስፈርት ተካታለች።

ምንጭ ፦weforum.org

 

You might also like
Comments
Loading...