Fana: At a Speed of Life!

በዶሃ የዓለም አትሌቲክስ ሻምፒዮና ከዓለም 5ኛ በመያዝ ላጠናቀቀው ልኡካን ቡድን አቀባበል ተደረገ

አዲስ አበባ፣ መስከረም 28፣2012 (ኤፍ.ቢ.ሲ) ለ17ኛ ጊዜ በኳታር ዶሃ ከመስከረም 16-25 ቀን 2012 ዓ.ም.በተካሄደው የዓለም አትሌቲክሰ ሻምፒዮና ላይ ተካፍሎ ከዓለም 5ኛ በመያዝ ላጠናቀቀው ልኡካን ቡድን አቀባበል ተደረገለት፡፡

ልዑኩ በዶሃ በነበረው ተሳትፎም በሁለት ወርቅ፣ አምስት ብር እና አንድ ነሀስ በድምሩ በስምንት ሜዳልያ ከዓለም 5ኛ ከአፍሪካ ደግሞ 2ኛ ደረጃን ይዞ በማጠናቀቅ በዛሬው ዕለት አዲስ አበባ ገብቷል፡፡

ልዑኩ አዲስ አበባ ቦሌ አውሮፕላን ማረፊያ ሲደርስም ባህልና ቱሪዝም ሚኒስትር ዶከተር ሂሩት ካሳው፣ የባህልና ቱሪዝም ሚኒስትር ዴኤታ አቶ ሀብታሙ ሲሳይ፣ የስፖርት ኮሚሽን ምክትል ኮሚሽነር አቶ ጌታቸው ባልቻ፣ የኢትዮጵያ ኦሎምፒክ ኮሚቴ ፕሬዚዳንት ዶክተር አሸብር ወ/ጊዮርጊስ እና የኢትዮጵያ አትሌቲክሰ ፌዴሬሽን ምክትል ፕሬዚዳንት አትሌት ገ/እግዚአብሄር ገ/ማርያም አቀባበል አድርገውላቸዋል፡፡

እንዲሁም የአትሌቲክስ የሙያ ማህበራትና ክለብ አመራሮች ተገኝተው ደማቅ አቀባበል አድርገውላቸዋል።

በቀጣይ በሚዘጋጅ መርሃ ግብር ላይም ለቡድን አባላቱ ሽልማት እንደሚበረከትላቸው ከኢትዮጵያ አትሌቲክስ ፌዴሬሽን ያገኘነው መረጃ ያመለክታል፡፡

You might also like
Comments
Loading...