Fana: At a Speed of Life!

በካናዳ ምርጫ የጀስቲን ትሩዶ ሊበራል ፓርቲ አሸነፈ

አዲስ አበባ ፣ ጥቅምት 11 ፣ 2012 (ኤፍ ቢ ሲ) በካናዳ ምርጫ የጠቅላይ ሚኒስትር ጀስቲን ትሩዶ ፓርቲ ማሸነፉ ተነገረ።

ሊበራል ፓርቲ በምርጫው 156 መቀመጫዎች ማግኘቱን ይፋ የሆኑ የምርጫ ውጤቶችን ዋቢ ያደረጉ ዘገባዎች ያስረዳሉ።

የእርሳቸው ዋነኛ ተቀናቃኝ የሆነው ቀኝ ዘመሙ ወግ አጥባቂ ፓርቲ ደግሞ 122 መቀመጫዎችን ማሸነፍ ችሏል።

ይህን ተከትሎም ትሩዶ በጠቅላይ ሚኒስትርነት የሚቆዩ ይሆናል፤ ፓርቲው ሃገሪቱን ብቻውን ለመምራት ግን አስፈላጊውን አብላጫ ድምጽ ማግኘት አልቻለም።

የካናዳ ፓርላማ 338 መቀመጫዎች ሲኖሩት አንድ ፓርቲ በአብላጫ ድምጽ ለማሸነፍና ለመምራት በምርጫው 170 እና ከዛ በላይ ድምጽ ማግኘት ይጠበቅበታል።

ይህን ተከትሎም የትሩዶ ሊበራል ፓርቲ ከአናሳ ፓርቲዎች ጋር በመጣመር አዲሱን መንግስት ይመሰርታል ተብሎ ይጠበቃል።

የትሩዶ ፓርቲ የዛሬ አራት አመት በምርጫው ካገኘው ውጤት የአሁኑ ዝቅ ያለ ሲሆን፥ በአንጻሩ ቀኝ ዘመሙ ወግ አጥባቂ ፓርቲ የተሻለ ድምጽ ማግኘት ችሏል።

 

 

ምንጭ፦ አልጀዚራ እና ሬውተርስ

You might also like
Comments
Loading...