Fana: At a Speed of Life!

በአፈ ጉባኤ ወ/ሮ ኬሪያ ኢብራሂም የተመራ ልኡክ የዓለም ፓርላማዎች ህብረት ስብሰባ ላይ እየተሳተፈ ነው

አዲስ አበባ፣ ጥቅምት 4፣ 2012 (ኤፍ.ቢ.ሲ) በኢ.ፌ.ዴ.ሪ. ፌዴሬሽን ምክር ቤት አፈ ጉባኤ ወይዘሮ ኬሪያ ኢብራሂም የተመራ የኢትዮጵያ ልኡክ የዓለም ፓርላማዎች ህብረት ስብሰባ በመሳተፍ ላይ ይገኛል።

የዓለም ፓርላማዎች ህብረት 141ኛው መደበኛ ጉባኤ ሰርብያ ቤልግሬድ በመካሄድ እንደሚገኝ የፌዴሬሽን ምክር ቤት ጽህፈት ቤት አስታውቋል።

በፌዴሬሽን ምክርቤት አፈ ጉባኤ ወይዘሮ ኬሪያ ኢብራሂም የተመራ ልእኳን ቡድን የዓለም ፓርላማዎች ህብረት ስብሰባ ለመሳተፍ ሰርብያ ቤልግሬድ ይገኛል።

የህብረቱ 141ኛው መደበኛ ጉባኤ የህዝብ እንደራሴዎች የዓለማቀፍ ህጎች ማስከበርና ለአከባቢያዊ ትብብር ማጠናከር የሚኖሯቸው ሚና ላይ ያተኮረ ውይይት ይካሄዳል።

የፌዴሬሽን ምክር ቤት አፈ ጉባኤ ወይዘሮ ኬሪያ ኢብራሂምም በጉባዔው ላይ ንግግር ማድረጋቸውን ጽህፈት ቤቱ አስታውቀቋል።

You might also like
Comments
Loading...