Fana: At a Speed of Life!

በነገው ዕለት በመስቀል አደባባይ የሚካሄድ ሰላማዊ ሰልፍም ሆነ ስብሰባ የለም- ፖሊስ

አዲስ አበባ፣ ጥቅምት 01፣ 2012 (ኤፍ ቢ ሲ) የአዲስ አበባ ፖሊስ ኮሚሽን በነገው ዕለት በአዲስ አበባ መስቀል አደባባይ የሚካሄድ ሰላማዊ ሰልፍም ሆነ ስብሰባ አለመኖሩን አስታውቋል።

ኮሚሽኑ በነገው ዕለት በአዲስ አበባ ከተማ ሰልፍ እንደሚደረግ እና የአዲስ አበባ ፖሊስ ኮሚሽን በሰልፉ ምክንያት የሚዘጉ መንገዶች መኖራቸውን ገለፀ በሚል የተሰራጨው መረጃ ሀሰተኛ መሆኑን አስታውቋል።

በዚህ መሰረትም በበነገው ዕለት በአዲስ አበባ ከተማ መስቀል አደባባይ የሚካሄድ ሰላማዊ ሰልፍም ሆነ ስብሰባ አለመኖሩን ነው ኮሚሽኑ ያስታወቀው።

ስለሆነም ህብረተሰቡ በነገው ዕለት የሚዘጋ ምንም አይነት መንገድ አለመኖሩን በመገንዘብ መደበኛ እንቅስቃሴውን ማድረግ እንደሚችል አስታውቋል።

You might also like
Comments
Loading...