Fana: At a Speed of Life!

በቻምፒየንስ ሊጉ ታላላቆቹ ቡድኖች ድል ቀንቷቸዋል

አዲስ አበባ ፣ ጥቅምት 12 ፣ 2012 (ኤፍ ቢ ሲ) የአውሮፓ ቻምፒየንስ ሊግ የምድብ ጨዋታዎች ትናንት ምሽት በተለያዩ ከተሞች ተደርገዋል።

በምድብ 1 ወደ ቱርክ ያቀናው ሪያል ማድሪድ ጋላታሳራይን 1 ለ 0 ሲያሸንፍ፥ ወደ ቤልጂየም ያቀናው ፒ ኤስ ጂ ደግሞ ክለብ ብሩጅን 5 ለ 0 አሸንፎ ተመልሷል።

በምድብ 2 ደግሞ ባየርን ሙኒክ ወደ ግሪክ አምርቶ ኦሊምፒያኮስን 3 ለ 2 አሸንፏል፤ ከሰርቢያው ሬድ ስታር ቤልግሬድ የተጫወተው ቶተንሃም ደግሞ 5 ለ 0 በሆነ ሰፊ ውጤት ማሸነፍ ችሏል።

በምድብ 3 የእንግሊዙ ማንቼስተር ሲቲ የጣሊያኑን አታላንታን አስተናግዶ 5 ለ 1 በሆነ ውጤት ሲያሸንፍ፥ አታላንታ ሶስተኛ ተከታታይ ሽንፈቱን በቻምፒየንስ ሊጉ አስተናግዷል።

በሌላኛው የምድቡ ጨዋታ ሻክታር በሜዳው በዳይናሞ ዛግሬቭ 3 ለ 2 ተሸንፏል።

በምድብ አራት ደግሞ ጁቬንቱስ ሎኮሞቲቭ ሞስኮን በፓብሎ ዲያባላ ጎሎች 2 ለ 1 ማሸነፍ ችሏል።

በሌላኛው የምድብ ጨዋታ ደግሞ የዲያጎ ሲሚዮኒው አትሌቲኮ ማድሪድ ባየር ሌቨርኩዘንን 1 ለ 0 በማሸነፍ ከጁቬንቱስ ጋር በእኩል 7 ነጥብ ምድቡን ይመራሉ።

You might also like
Comments
Loading...