Fana: At a Speed of Life!

በቺሊ ተቃዋሚ ሰልፈኞች ባቃጠሉት የጨርቃ ጨርቅ ፋብሪካ የ5 ሰዎች አለፈ

አዲስ አበባ፣ ጥቅምት 10፣ 2012 (ኤፍ.ቢ.ሲ) በቺሊ ተቃዋሚ ሰልፈኞች በጨርቃ ጨርቅ ፋብሪካ ባደረሱት የቃጠሎ አደጋ የአምስት ሰዎች አለፈ።

የኑሮ ውድነት እና በአድሎአዊ አሰራርን በመቃወም ከሳለፍነው ሳምንት ጀምሮ  በማድረግ በቺሊ በተቀሰቀሰው ህዝባዊ ተቃውሞ በዋና ከተማዋ ሳንቲያጎ የብዙሃን ትራንስፖርት ተቋርጧል፣ የንግድ ማዕከላት ተዘግተዋል፣ አለም አቀፍ በረራዎችም ተሰርዘዋል ነው የተባለው።

ለተቃውሞ አደባበይ የወጡት ሰልፈኞቹ በቺሊ መዲና ሳንቲያጎ አቅራቢያ የሚገኝ አንድ የጨርቃ ፋብሪካ ከዘረፉ በኋላ በእሳት በማያያዛቸውም ተሰምቷል።

ተቃዋሚ ሰልፈኞቹ በፋብሪካው ላይ ባደረሱን የእሳት አገዳም የ5 ሰዎች ህይወት ማለፉ ነው የተነገረው።

በሀገሪቱ ከሳምንት በላይ እድሜን ያስቆጠረውን ተቃውሞ ለመቆጣጠር መንግስት 10 ሺህ 500 የፀጥታ ሃይሎችን ማሰመራቱም ተገልጿል።

በዚህም 1 ሺህ 400 ያህል የተቃውሞ ሰልፈኞች በቁጥጥር ስር እንዲውሉ መደረጉም ነው የተነገረው።

በሀገሪቱ ዋና ዋና ከተሞች የሰዓት እላፊ ገደብ የተጣለ ሲሆን፥ በሀገሪቱ ዋና ከተማ በሳንቲያጎ ደግሞ የአስቸኳይ ጊዜ አዋጅ መታወጁም ነው የተገለፀው።

የአስቸኳይ ጊዜ አዋጁ ወደ ሰሜን እና ደቡብ የሀገሪቱ ከተሞች ለማስፋፋት መታቀዱንም ከስፍራው የወጡ መረጃዎች ያመላክታሉ።

ምንጭ፡- ቢቢሲ

You might also like
Comments
Loading...