Fana: At a Speed of Life!

በሶሪያ ከአይ ኤስ አባላት ጋር ግንኙነት ያላቸው ሰዎች ከካምፕ ማምለጣቸው ተነገረ

አዲስ አበባ፣ ጥቅምት 02፣ 2012 (ኤፍ ቢ ሲ) ቱርክ በሰሜን ሶሪያ እየፈፀመች በሚገኘው ጥቃት ምክንያት በመቶዎች የሚቆጠሩ ከአይ ኤስ አባላት ጋር ግንኙነት ያላቸው ሰዎች ከካምፕ ማምለጣቸውን የኩርድ አመራሮች ገለፁ፡፡

የአይ ኤስ አባላት የቅርብ ሰዎች የሆኑ እስረኞች ቱርክ ጥቃት እየፈፀመችበት በሚገኘው አከባቢ የሚገኘውን ኢን ኢሳ የስደተኞች መጠለያ መግቢያ ጥቃት እንደፈፀሙበት ተነግሯል፡፡

መረጃዎችን የሚከታተሉ ተቋማ 100 የሚሆኑ የአይ ኤስ አባላት የቅርብ ሰዎች ማምለጣቸውን የሚገልፁ ቢሆንም የኩርድ ሃላፊዎች ግን ከ800 በላይ የሚሆኑ የውጭ ዜግነት ያላቸውና ከአይ ኤስ አባላት የቅርብ ግንኙነት ያላቸው ሰዎች  አምልጠዋል ነው  የሚሉት፡፡

ኢን ኢሳ የተሰኘው የስደተኞች መጠለያ 12 ሺህ የሚሆኑ ስደተኞችን የያዘ ሲሆን ከእነዚህም ውስጥ 1 ሺህ የሚሆኑት ከሽብር ቡድኖች ጋር ግንኙነት አላቸው የሚባሉ ህፃናትና ሴቶች ይገኙበታል፡፡

ቱርክ ባለፈው ሳምንት በሽብርተኝነት የምትወነጅለውን የኩርድ ታጣቂ ሀይል ከአከባቢው ለማስወጣት ጥቃት መክፈቷ የሚታወስ ነው፡፡

የተባበሩት መንግስታት ድርጅት ጥቃቱ ከጀመረበት ጊዜ ጀምሮ 130 ሺህ ሰዎች ከአከባቢው መልቀቃቸው የገለፀ ሲሆን ቁጥሩ ከዚህ ከፍ ሊል እንደሚችልም አስታውቋል፡፡

ቱርክ በሽብርተኝነት የምትከሰውን የኩርድ ታጣቂ ሀይል ከአከባቢው በማፅዳት ሰላማዊ ዞን ለመመስረት ነው እየተንቀሳቀሰች የሚገኘው፡፡

ከዚህ ባፈ  በድንበሯ ውስጥ በሚገኝ ሰላማዊ ዞን  ከ3 ሚሊየን በላይ የሶሪያ ስደተኞችን ለማስፈር እቅድ እንዳላት ተጠቁሟል፡፡

ዶናልድ ትራምፕ  አሜሪካ በአከባቢው የነበራትን ወታደር ከአካባቢው ማስወጣታቸው ቱርክ  በኩርዶች በሚመራው የሶሪያ ዲሞክራሲያ ሀይል ጥቃት እንድትፈፅም አስችሏታል እየተባለ ይገኛል፡፡

ምንጭ፡- ቢቢሲ

You might also like
Comments
Loading...