Fana: At a Speed of Life!

በሩብ ዓመቱ ከ600 ሚሊየን ብር በላይ ግምታዊ ዋጋ ያላቸው የኮንትሮባንድ እቃዎች ተያዙ

አዲስ አበባ ፣ ጥቅምት 10 ፣ 2012 (ኤፍ ቢ ሲ) የጉሙሩክ ኮሚሽን በያዝነው በጀት ዓመት የመጀመሪያ ሩብ ዓመት ግምታዊ ዋጋቸው 687 ነጥብ 6 ሚሊየን ብር የሆኑ ገቢና ወጪ ኮንትሮባንድ እቃዎች መያዙን አስታወቀ።

በኮሚሽኑ የተያዙት የጦር መሳሪያዎች፣ የተለያዩ ሃገራት ገንዘቦች፣ መድሃኒቶች፣ አደንዛዥ እፆች፣ ምግብ ነክ ሸቀጣ ሸቀጦች፣ ኤሌክትሮኒክስና ልዩ ልዩ መለዋወጫ እቃዎች፣ ልባሽና አዳዲስ ጨርቆች እና ወደ ሃገር እንዳይገቡ ክልከላና ገደብ የተደረገባቸው እቃዎች ናቸው።

በዘንድሮው ሩብ ዓመት የተያዙት የኮንትሮባንድ እቃዎች ከዓምናው ተመሳሳይ ወቅት ከተያዙት እቃዎች ጋር ሲነፃፀር የ489 ሚሊየን ብር ግምታዊ ዋጋ ብልጫ አላቸው ተብሏል።

በተመሳሳይ ኮሚሽኑ በሩብ ዓመቱ ለመሰብሰብ ካቀደው 24 ነጥብ 84 ቢሊየን ብር ገቢ 26 ነጥብ 6 ቢሊየን ብር ወይም የእቅዱን 107 በመቶ ሰብስቧል።

ይህ የገቢ አፈፃፀም ከዓምናው ተመሳሳይ ወቅት ከተሰበሰበው 18 ነጥብ 51 ቢሊየን ብር ገቢ ጋር ሲነፃፀር የ8 ነጥብ 1 ቢሊየን ብር ወይም የ44 በመቶ ብልጫ አለው።

በቀጣይ ኮሚሽኑ ኮንትሮባንድ እና ህገ ወጥ ንግድ በሃገር ኢኮኖሚና በህዝብ ደህንነት ላይ ጉዳት እንዳያደርሱ የህግ ማስከበር ስራ እንደሚሰራ መግለጹን ከገቢዎች ሚኒስቴር ያገኘነው መረጃ ያመላክታል።

 

You might also like
Comments
Loading...