Fana: At a Speed of Life!

በማሊ በተፈፀመ ጥቃት 4 የተመድ ሰላም አስከባሪዎች ህይወት አለፈ

አዲስ አበባ፣ መስከረም 26፣ 2012 (ኤፍ.ቢ.ሲ) በማሊ በተፈፀመ ጥቃት አራት የተባበሩት መግስታት ድርጅት ሰላም አስከባሪዎች ህይወት አለፈ።

በትናንትናው ዕለት በማሊ ከህይወታቸው ካለፈው የተባበሩት መግስታት ድርጅት የሰላም አስከባሪዎች በተጨማሪ አራት አባላት መቁሰላቸው ተነግሯል።

የሰላም አስከባሪዎቹ በሰሜን ማሊ አጉኢልሆክ መንደር ወታደራዊ ቅኝት ላይ በነበሩበት ወቅት ተሽከርካሪያቸው በፈንጅ በመመታቱ ነው ጉዳቱ የደረሰባቸው ተብሏል።

ጥቃቱ ከተፈጸመ በኋላም በማዕካላዊ ማሊ ሞፕቲ በተባለው አካባቢ ማንነታቸው ያልታወቀ ታጣቂዎች ከተመድ ሰላም አስከባሪዎች ጋር የተኩስ ልውውጥ እንዳደረጉም ተነግሯል።

በአፍሪካ ሳሃል አካባቢ ስጋት የሆነውን የሽብር ጥቃት ለመከላከል የመግስታትቱ ድርጅት የሰላም አስከባሪዎች እና የፈረንሳይ ጦር ማሊ ውስጥ እንደሚንቀሳቀሱ ይታወቃል።

ከአውሮፓዊያኑ 2012 ጀምሮ በሰሜን ማሊ የቱርጅ ጎሳ አባላት እንቅስቃሴ በኋላ በቀጠናው የሽብር ጥቃት እተሰፋፋ መምጣቱ አይዘነጋም።

ጥቃቱ ከጊዜ ወደ ጊዜ አድማሱን ወደ ማዕካዊ ማሊ እያስፋፋ ሲሆን፥ በዚህ ዓመት በአርሶ አደሮች እና በአርብቶ አደሮች መካከልም ውጊያዎች ሲካሄዱ መቆየታቸውም ይታወቃል።

አንድ ሳምት ባልሞላ ጊዜ ውስጥ በማዕከላዊ ማሊ ሁለት ወታደራዊ ካምፖች ላይ በተፈጸሙ ጥቃቶች 38 የማሊ ወታሮች ህይወታቸው ማለፉም መረጃዎች ያመለክታሉ።

ምንጭ፡- ሲ.ጂ.ቲ.ኤን አፍሪካ

You might also like
Comments
Loading...