Fana: At a Speed of Life!

ሰሜን ኮሪያ አሜሪካና አውሮፓን አስጠነቀቀች

አዲስ አበባ፣ መስከረም 27፣ 2012 (ኤፍ.ቢ.ሲ) ሰሜን ኮሪያ በትናንትናው እለት አሜሪካ፣ ብሪታኒያ፣ ፈረንሳይ እና ጀርመንን ማስጠንቀቋ ተሰምቷል።

ፒዮንግያንግ ሀገራቱን ያስጠነቀቀችው በተባበሩት ምንግስታት ድርጅት የፀጥታው ምክር ቤት ስብሰባ ላይ ስለምታደርገው የሚሳኤል ሙከራዎች በማንሳታቸው መሆኑም ተነግሯል።

የተመድ የፀጥታው ምክር ቤት ሰሜን ኮሪያ ባሳለፍነው ሳምንት ከባህር ስር ባስወነጨፈችው የባላስቲክ ሚሳኤል ሙከራ ዙሪያ በዛሬው እለት በዝግ እንደሚወያይ ይጠበቃል።

በጉዳዩ ላይ የሚደረገው ውይይት በጀርመን ጥያቄ አቅራቢነት የሚካሄድ ሲሆን፥ ብሪታኒያ እና ፈረንሳይ ደግሞ ለውይይቱ ድጋፍ ሰጥተዋል ነው የተባለው።

የሰሜን ኮሪያ የተመድ አምባሳደር ኪም ሶንግ በጉዳዩ ላይ በሰጡት አስተያየት፥ “ጀርመን፣ ብሪታኒያ እና ፈረንሳይ እያደረጉት ካለው አንቅስቃሴ ጀምራበ አሜሪካ እንዳለች ጠንቅቀን እናውቃለን” ብለዋል።

“አሜሪካ እና ተካታዮቿ ማወቅ ያለባቸው እንድ ጉዳይ በስብሰባቸው ላይ ራሳችንን ለመከላከል የምናደርገው ጥረት ላይ ሀሳብ ካነሱ፤ ሉአላዊነታችንን ለማስከበር ወደ ኋላ አንልም” ብለዋል ኪም።

ሰሜን ኮሪያ በአውሮፓውያኑ 2018 ከአሜሪካ ጋር ድርድር ከጀመረች ወዲህ ባሳለፍነው ሳምንት ረቡዕ ያደረገችው የባላስቲክ ሚሳኤክል ሙከራ ጠብ አጫሪ ነው ተብሏል።

የተባበሩት መንግስታት ድርጅት የፀጥታው ምክር ቤትም ከዚህ ቀደም ፒዮንግያንግ ባላስቲክ ሚሳኤልን ጥቅም ላይ እንዳታውል አግዶ እንደነበረም አይዘነጋም።

ምንጭ፦ www.aljazeera.com

You might also like
Comments
Loading...