Fana: At a Speed of Life!

ሩሲያና ሳዑዲ ግንኙነታቸውን ይበልጥ ለማጠናከር ተስማሙ

አዲስ አባበ፣ ጥቅምት 4፣ 2012 (ኤፍ ቢ ሲ) ሩሲያና ሳዑዲ ዓረቢያ ያላቸው ዘርፍ ብዙ ግንኙነት ይበልጥ ለማጠናከር ተስማምተዋል።

የሩሲያው ፕሬዚዳንት ቭላድሜር ፑቲን ከፈረንጆቹ 2007 ወዲህ በሳዑዲ ዓረቢያ የመጀመሪያ የስራ ጉብኝታቸውን ለማድረግ በትናንትናው ዕለት ሪያድ ገብተዋል።

ፕሬዚዳንት ፑቲን በሳዑዲ ቆይታቸውም ከሀገሪቱ ንጉስ ሳልማን ጋር ሪያድ በሚገኘው አል ያማማህ ቤተ መንግስት በተለያዩ  ጉዳዮች ዙሪያ መክረዋል።

በውይይታቸውም ሀገራቱ ያላቸው የሁለትዮሽ ግንኑነት አጠናክረው መቀጠል በሚችሉባቸው ጉዳዮች ዙሪያ መምከራቸው ነው የተገለጸው።

በዚህ መሰረትም በሀገራቱ መካከል የሚካሄደው የነዳጅ  ዘይት ምርት የንግድ ልውውጥ ሁሉንም ወገን ተጠቃሚ ባደረገ መልኩ እንዲከናወን መስማማታቸው ታውቋል።

ከዚህ ባለፈም በመካከለኛው ምስራቅ የተፈጠረውን ዓለመረጋጋት ሰላማዊ በሆነ መልኩ መፍታት በሚቻልባቸው መንገዶች ዙሪያ  መክረዋል።

በቅርቡ ኢራን በሁለት የሳዑዲ ዓረቢያ የነዳጅ ዘይት ማጣሪያ ተቋማት ላይ ጥቃት መፈጸሟን ተከትሎ በቀጠናው ውጥረት መንገሱ ይታወቃል።

ፕሬዚዳንት ፑቲንም በሁለቱ ባላንጣ ሀገራት መካከል የተፈጠረውን አለመግባባት ለመፍታት የበኩላቸውን ሚና ለመወጣት ቁርጠኛ አቋም ያላቸው

ያላቸው መሆኑን መግለፃቸው የሚታወስ ነው።

በተጨማሪም ሁለቱ ወገኖች ቱርክ በሰሜን ሶሪያ እየፈጸመች ባለው ወታደራዊ ዘመቻ እና በየመን እየተስተዋለ ባለው የእርስ በርስ ግጭት ዙሪያ መምከራቸው በዘገባው ተመላክቷል ።

ምንጭ፦አልጀዚራ

You might also like
Comments
Loading...