Fana: At a Speed of Life!

ም/ር/መ አቶ ሙስጠፌ በ1 ነጥብ 5 ቢሊየን ብር የሚገነባውን የጀግጅጋ- ሀረሙከሌ የመንገድ ግንባታን አስጀመሩ

አዲስ አበባ፣ ጥቅምት 02፣ 2012 (ኤፍ ቢ ሲ) የሶማሌ ክልል ምክትል ርዕሰ መስተዳድር አቶ ሙስጠፌ መሀመድ ዑመር በ1 ነጥብ 5 ቢሊየን ብር የሚገነባውን የጀግጅጋ- ሀርሞካሌ የመንገድ ግንባታ አስጀመሩ፡፡

የጅግጅጋ ሀረሙከሌ መገንጠያ መንገድ የአስፋልት ኮንክሪት 104 ኪሎ ሜትር የሚረዝም ሲሆን ሙሉ ለሙሉ የግንባታው ወጪ በኢትዮጵያ መንግስት የሚሸፈን ነዉ።

ግንባታው በቻይና ሲቪል ኢንጅነሪንግ ኮንስትራክሽን ኮረፖሬሽን የሚከናወን ሲሆን የማማከርና የቁጥጥር ስራዉን ኤስ.ጂ ኮንሰልቲንግ ኢንጅነርስ ኃ.የተ.የግ.ማ እንደሚያከናውነው የኢትዮጵያ መንገዶች ባለስልጣን አስታውቋል፡፡

የመንገዱ ፕሮጀክት በከተማ 22 ነጥብ 5 ሜትር እና በገጠር 10 ሜትር የጎን ስፋት ይኖረዋል፡፡

አጠቃላይ ግንባታዉም በሶስት ዓመት ዉስጥ ተጠናቆ ለህዝብ አገልግሎት መስጠት እንደሚጀምር ይጠበቃል፡፡

የመንገድ ግንባታ ፕሮጀክቱ የአካባቢዉን ማህበረሰብ የተሳለጠ የትራንስፖርት ተጠቃሚ ለማድረግ እና የንግድ እንቅስቃሴን ለማሳደግ ይረዳል የሚል ተስፋ ተጥሎበታል፡፡

በነባሩ መንገድ ከመሃል ጅግጅጋ እስከ ሃረሙከሌ መገንጠያ (ድሬዳዋ ደወሌ የክፍያ) መንገድ ለመድርስ 202 ኪሎ ሜትር ነው፡፡

አዲሱ የመንገድ ፕሮጀክት ሲጠናቅ ግን ከ202 ኪሎ ሜትር ወደ 104 ኪሎ ሜትር ዝቅ እንደሚለው ነው የሚጠበቀው፡፡

You might also like
Comments
Loading...