Fana: At a Speed of Life!

መሰሎቹን ለመጥራት ከፍተኛ ድምፅ የሚያሰማው የወፍ ዝርያ

አዲስ አበባ፣ጥቅምት 14፣2012 (ኤፍ ቢ ሲ) ቤል የተሰኘው ወንድ የወፍ ዝርያ ሴት ወፍ ለመጥራት የሚያወጣው ድምፅ በዓለም ከሚገኙ ወፎች ሁሉ ከፍተኛ መሆኑ ተነግሯል።

መገኛው ደቡብ አሜሪካ የሆነው ይህ የወፍ ዝርያ 250 ግራም ብቻ የሚመዝን መሆኑ ታውቋል።

የማሳቹሴትስ ዩኒቨርሲቲ የስነ ህይወት ተመራማሪዎች ሰሞኑን ይፋ ባደረጉት ጥናት፥ ጾታው ወንድ የሆነ እና ነጭ ቀለም ያለው ቤል የተሰኘው የወፍ ዝርያ ተቃራኒ ጾታ ካላት ወፍ ጋር ለመግባባት የሚያወጣው ድምፅ ከየትኛውም የወፍ ዝርያ ድምፅ እንደሚበልጥ ገልጸዋል።

ይሁን እንጅ ይህ ከፍተኛ ድምፅ ተቃራኒ ጾታ ባላቸው ተመሳሳይ የወፍ ዝርያዎች ጀሮ ላይ ያለው የጉዳት መጠን በጥናቱ አልተገለጸም።

በጥናቱ መሰረት ይህ የወፍ ዝርያ የሚያሰማው ድምፅ ከዚህ በፊት ከፍተኛ ድምፅ ተብሎ ከተመዘገበው የወፍ ዝርያ በዘጠኝ እጥፍ የሚበልጥ ነው ተብሏል።

ከዚህ በፊት መገኛው በአማዞን ጫካ የሆነውና ፒሃ የተሰኘው የወፍ ዝርያ ተቃራኒ ጾታውን ለመጥራት ከፍተኛ ድምፅ የሚያሰማው ወፍ ነበር።

ምንጭ ፦ ኦዲቲ ሴንትራል

You might also like
Comments
Loading...