Fana: At a Speed of Life!

ለ9 ዓመታት ከማህበረሰቡ ተለይቶ የዓለምን መጨረሻ ሲጠብቅ የነበረው ቤተሰብ

አዲስ አበባ፣ ጥቅምት 7፣ 2012 (ኤፍ ቢ ሲ) ለዘጠኝ ዓመታት ከሚኖሩበት ማህበረሰብ ተለይተው የዓለምን መጨረሻ ሲጠብቁ የነበሩት የቤተሰብ አባላት አነጋጋሪ ሆነዋል።

ሰሞኑን የ58 ዓመት አዛውንትና አምስት ወጣቶች ከማህበረሰቡ ተለይተው በአንድ እርሻ ቦታ በአስቸጋሪ ሁኔታ ውስጥ ለዘጠኝ ዓመታት ሲኖሩ መቆየታቸውን የኔዘርላንድስ ፖሊስ ይፋ አድርጓል።

እነዚህ የቤተሰብ አባላት ላለፉት ዘጠኝ ዓመታት ከእርሻ ቦታው ወጥተውም ሆነ ከአካባቢው ማህበሰረብ ጋር ተገናኝተው አያውቁ ነው የተባለው።

ከዚህ ባለፈም እንደማንኛውም የአካባቢው ነዋሪ የዕለት ህይታቸውን ለማሸነፍ ምንም አይነት የሥራ እንቅስቃሴ ሲያደርጉ ታይተው አያውቁም ተብሏል።

ሰዎቹ በዚህ አካባቢ መኖራቸው የታወቀውም ከአምስቱ ወጣቶች በዕድሜ ትልቁ ከዕለታት አንድ ቀን ከእርሻ ቦታው አምልጦ በአካባቢው መታየቱን ተከትሎ ፖሊስ ባደረገው ክትትል መሆኑ ተገልጿል።

የቤተሰብ አባላቱ  በዚህ ቦታ ለዘጠኝ ዓመት ከምንም ነገር ርቀው የተቀመጡትም የዓለምን ፍፃሜ ለመጠበቅ መሆኑን ተናግረዋል።

ይሁን እንጂ ሰዎቹ ለዘጠኝ ዓመታት ህይታቸውን በምን መልኩ ሲመሩ እንደነበር ለፖሊስም ሆነ ለአካባቢው ነዋሪ እንቆቅልሽ መሆኑ ነው

የተነገረው።

ምንጭ፦ኦዲቲ ሴንትራል

You might also like
Comments
Loading...