Fana: At a Speed of Life!

ለመጀመሪያ ጊዜ ያለምንም እርፍት ለ19 ሰዓታት የተደረገው በረራ

አዲስ አበባ፣ጥቅምት 10፣2012 (ኤፍ ቢ ሲ) ኳንታስ የተሰኘው የአውስትራሊያ አየር መንገድ ለመጀመሪያ ጊዜ ያለምንም እረፍት የ19 ሰዓታት በረራ ማድረጉ ተሰምቷል።

በረራው በአውሮፕላን የሚደረጉ ረጃጅም  በረራዎች በመንገደኞች፣በአብራሪዎች እንዲሁም  በአውሮፕላን አስተናጋጆች ላይ የሚያደርሱትን  አሉታዊ ተፅዕኖን ለማወቅ የተካሄደ መሆኑ ተገልጿል።

መሻውን ኒውዮርክ ያደረገው አውሮፕላኑ በ19 ሰዓት ከ16 ደቂቃ ውስጥ 16 ሺህ ኪሎ ሜትሮችን በማቆራረጥ

ያለ ምንም እረፍት አውስራሊያ ዋና ከተማ ሲዲኒ መግባቱ ታውቋል።

በወቅቱም አውሮፕላኑ አርባ ዘጠኝ መንገደኞችን አሳፍሮ የነበረ መሆኑ በዘገባው ተመላክቷል።

ለምርምር ዓላማ የተካሄደው ይህ በረራ ፥ ውጤቱ ኳንታስ በተያዘው የአውሮፓያውያን ዓመት የሚጀምረውን የበረራ መስመር ለመወሰን የሚያስችል መሆኑ ተመላክቷል።

አውሮፕላኑ ጉዞውን በተሳካ ሁኔታ እንዲያጠናቅቅም በቂ ነዳጅ ከመሙላት ጀምሮ የተለያዩ ዝግጅቶች መደረጋቸው ተገልጿል።

መረጃዎች እንደሚያሳዩት እስካሁን ባለው የበረራ ታሪክ መንገደኞችንና እቃ ጭኖ ያለምንም እረፍት ለ19 ሰዓታ 16 ደቂቃ በረራ ያካሄደ አውሮፕላን የለም ።

ምንጭ ፦ቢቢሲ

You might also like
Comments
Loading...