Fana: At a Speed of Life!

ሁዋዌ P40 ፕሮ በአንዴ 2 ኦፕሬቲንግ ሲስተም የሚጠቀም መሆኑ ተገለፀ

አዲስ አበባ፣ ጥቅምት 12፣ 2012 (ኤፍ.ቢ.ሲ) ሁዋዌ የአሜሪካ ገበያን እንዳይጠቀም መከልከሉን ተከትሎ በርካታ አማራጮችን በመጠቀም ላይ ይገኛል።

ከእነዚህ ውስጥም ሁዋዌ የጎግል ምርት የሆነውን አንድሮይድ ኦፕሬቲንግ ሲስተም እንዳይጠቀም መከልከሉን ተከትሎ የራሱን የኦፕሬቲንግ ሲስተም አማራጮች በመስራት ላይ መሆኑ ይታወቃል።

በዚህም ሁዋዌ ሀርሞኒ የተባለ የራሱን ኦፕሬቲንግ ሲስተም በቅርቡ ይፋ ማድረጉ አይዘነጋም።

አሁን ደግሞ ሁዋዌይ በአማራጭነት የሰራውን ኦፕሬቲንግ ሲስተም እውን የሚያደርግበት ጊዜ መቅረቡ ነው የተገለጸው።

ሁዋዌይ በአውሮፓውያኑ 2020 ይፋ በሚያደርገው ስማርት ስልኩ ላይ አዲሱን ኦፕሬቲንግ ሲስተም እንደሚጠቀም ተነግሯል።

በዩቲዩብ የተለቀቀ ቪዲዮ እንደሚያመላክተው ሁዋዌ አዲስ የሚለቀው P40 ፕሮ ስማርት ስልክ አዲሱን ሀርሞኒ ኦፕሬቲንግ ሲስተም የሚጠቀም ሲሆን፥ አስፈላጊ በሚሆንበት ጊዜ ደግሞ የጎግልን አንድሮይድ 10 ኦፕሬቲንግ ሲስተም መጠቀም የሚችል ነው ተብሏል።

ይህ ደግሞ ሁዋዌ P40 ፕሮ ስማርት ስልክን ሁለት ኦፕሬቲንግ ሲስተምን በአንድ ጊዜ የሚጠቀም የዓለማችን የመጀሪያው ስማርት ስልክ ያደርገዋል ተብሏል።

ምንጭ፦ fossbytes.com

You might also like
Comments
Loading...