Fana: At a Speed of Life!

ፌስ ቡክ በአስር ሺህዎች የሚቆጠሩ መተግበሪያዎችን አገደ

አዲስ አበባ፣መስከረም 12፣2012 (ኤፍ ቢ ሲ) ፌስ ቡክ በአስር ሺህዎች የሚቆጠሩ መተግበሪያዎችን ከገጹ ማገዱን አስታውቋል።

ድርጅቱ መተገበሪያዎቹን ያገደውም የፌስ ቡክ ተጠቃሚዎችን መረጃ ያለ አግባብ መዝብሯል ከተባለው ካምብሪጅ አናሊቲካ ጋር ካላቸው ግንኙነት በተያያዘ መሆኑ ተገልጿል።

ተቀማጭነቱ በብሪታንያ የሆነው የፖለቲካ አማካሪ ድርጅት ካምብሪጅ አናሊቲካ በፈረንጆቹ 2018 ላይ የፌስ ቡክ ደንበኞችን መረጃ ያለ አግባብ መመዝበሩን ተከትሎ ከኩባንያው ጋር ውዝግብ ውስጥ መግባታቸው ይታወቀል።

ይህን ተከትሎም  ፌስቡክ  የአማካሪ ድርጅቱን የመረጃ ምዝበራ ቅሌት ቀሪ የምርመራ ውጤት ሰሞኑን ይፋ አድረጓል።

በውጤቱ መሰረትም ፌስቡክን የሚጠቀሙ በአስር ሺህዎች የሚቆጠሩ መተግበሪያዎች ከድርጅቱ ጋር ግንኙነት ያላቸው መሆኑ ተረጋግጧል።

ከዚህ ባለፈም መተግበሪያወቹ 400 ከሚሆኑ የመተግበሪያ ሶፍትዌር ማበልጸጊያ ተቋማት ጋር ግንኙነት ያላቸው መሆኑ ተመላክቷል።

ይሁን እንጂ በፌስ ቡክ ላይ አገልግሎት እንዳይሰጡ ከተከለከሉ መተግበሪያዎች ውስጥ አንዳንዶቹ ለተጠቃሚዎች ስጋት ያልነበሩ መሆናቸውን ኩባንያው አስታውቋል።

ምንጭ፦ቢቢሲ

You might also like
Comments
Loading...