Fana: At a Speed of Life!

ፊፋ የዓመቱን ዕጩ ኮከቦች ዝርዝር ይፋ አደረገ

አዲስ አበባ ፣ ነሃሴ 27 ፣ 2011 (ኤፍ ቢ ሲ) ዓለም አቀፉ እግር ኳስ አስተዳዳሪ አካል (ፊፋ) የዓመቱ ዕጩ ኮከቦችን ዝርዝር ይፋ አደረገ።

በዚህም በተጫዋቾች የወንዶች ምድብ የሊቨርፑሉ ተከላካይ ቨርጂል ቫንዳይክ፣ የጁቬንቱሱ ክርስቲያኖ ሮናልዶ እና የባርሴሎናው ሊዮኔል ሜሲ የመጨረሻ ዕጩዎች ሆነው ቀርበዋል።

የማንቼስተር ሲቲው ፔፕ ጋርዲዮላ፣ የሊቨርፑሉ የርገን ክሎፕ እና የቶተንሃም ሆትስፐርሱ ማውሪሲዮ ፖቼቲኖ ደግሞ በአሰልጣኞች የመጨረሻ ዕጩ ሆነዋል።

በሴቶች የእንግሊዟ ሉሲ ብሮንዝ፣ እንዲሁም አሜሪካውያኖቹ አሌክስ ሞርጋን እና ሜጋን ራፒኖይ ለሽልማቱ ታጭተዋል።

የአሜሪካዋ ጂል ኤሊስ፣ የእንግሊዙ ፊል ኔቭል እና የኔዘርላንድሷ ሳሪና ዌይማን ደግሞ በአሰልጣኞች ምድብ የመጨረሻው ዝርዝር ውስጥ ተካተዋል።

ከዚህ ባለፈም ፊፋ በአመቱ የምርጥ ጎል አሸናፊነት (ፑሽካሽ አዋርድ) ሶስት ዕጩዎችን ዝርዝር ይፋ አድርጓል።

በዚህም ሊዮኔል ሜሲ ሪያል ቤቲስ ላይ፣ ሁዋን ኩይንቴሮ ክለቡ ሪቨርፕሌት ከሬሲንግ ክለብ ጋር ሲጫወት ባስቆጠራት ጎል እንዲሁም ዳንኤል ሶሪ ክለቡ ደብረተን ከፈረንትቫሮስ ጋር ሲጫወት ባስቆጠረው ጎል የመጨረሻ ዕጩ ሆነው ቀርበዋል።

አሊሰን ቤከር፣ ኤደርሰን እና አንድሬ ቴርስቴገን ደግሞ በግብ ጠባቂዎች ለሽልማቱ ታጭተዋል።

ሽልማቱ የዛሬ ሶስት ሳምንት በጣሊያኗ ሚላን በሚከናወን ስነ ስርዓት ለአሸናፊዎቹ የሚሰጥ ይሆናል።

 

You might also like
Comments
Loading...