Fana: At a Speed of Life!

የሀዲያ ህዝቦች የመደመር እሳቤን በተግባር በማሳየታቸው ጠ/ሚ ዶ/ር አብይ ምስጋና አቀረቡ

አዲስ አበባ፣ መስከረም 11፣ 2012 (ኤፍ ቢ ሲ) የሀዲያ ህዝቦች የመደመር እሳቤን በተግባር በማሳየታቸው ምስጋና እንደሚገባቸው ጠቅላይ ሚኒስትር ዶክተር አብይ ተናግረዋል፡፡

ጠቅላይ ሚኒስትሩ በከተማዋ ስታድየም ለተሰበሰበው ህዝብም ንግግር አድርገዋል፡፡

በዚህ ወቅት የሆሳዕና ነዋሪዎች በተለይም ወጣቶች ሙሉ ትኩረትና ጉልበታቸውን ለወደፊት መሰረት በመጣል እና አብሮነትን በማጠናክር ላይ እንዲያደርጉም ጥሪ አቅርበዋል::

የሃድያ ህዝብ በሰላም እና በጀግንነት የኖረ ነው ያሉት ጠቅላይ ሚኒስትሩ ይህን የኖረ ባህል ና እሴት ማስቀጠል የትውልዱ ሀላፊነት ነው ብለዋል።

በተለይ ወጣቱ ያለውን ትልቁን ሀብት ጊዜ በአግባቡ ተጠቅሞ ለራሱ እና ለቀጣዩ ትውልድ መሠረት መጣል ይኖርበታል ነው ያሉት፡፡

በደቡብ አፍሪካ ስለሚኖሩ ኢትዮጵያን በተመለከተ እንደተናገሩትም በዚያ ያሉ ኢትዮጵያውያን ለደቡብ አፍሪካውያን ጸጋ በመሆናቸው ይህንንም ደቡብ አፍሪካዊያን እንዲረዱ መንግስት የጀመረውን ጥረት አጠናክሮ ይቀጥላል ብለዋል፡፡

እንዲሁም ወጣቶች ይህንኑ ትጋት እና ሀብት የመፍጠር ልምምድ በሃገራቸው ሊተገብሩት እንደሚገባ አሳስበዋል፡፡

ከነዋሪዎቹ በሥራ ፈጠራ በመሰረተ ልማት: ጤናና በአግሮ ፕሮሰሲንግ ኢንቨስትመንት ዙሪያ በተነሱ ጥያቄዎች ላይ ማብራሪያ ሰጥተዋል፡፡

የሆሳዕና ነዋሪዎች እውቀትና በክልሉ በአንድነት ለመቆየት ያነሱትን ሀሳብ አድንቀዋል::

ቅሬታዎችን በሚዛናዊና የጋራ እሴትና መርሆችን በማያጠፋ መልኩ መቅረብ አለባቸው ብለዋል::

የሀድያ ህዝቦችን የቆየ ልምድ በማጠናከር ጥያቄዎቻቸውን በሰላማዊ መንገድ ማቅረብ እንደሚቀጥሉ አንስተዋል::

ጠቅላይ ሚኒስትር ዶክተር አብይ ባለፈው ሳምንት ከካፋ ዞን ነዋሪዎች ጋር በተለያዩ ጉዳዩ ዙሪያ ውይይት ማድረጋቸው የሚታወስ ነው፡፡

የሃድያ ህዝብ በሰላም እና በጀግንነት የኖረ ነው ያሉት ጠቅላይ ሚኒስትሩ ይህን የኖረ ባህል ና እሴት ማስቀጠል የትውልዱ ሀላፊነት ነው ብለዋል።

በተለይ ወጣቱ ያለውን ትልቁን ሀብት ጊዜ በአግባቡ ተጠቅሞ ለራሱ እና ለቀጣዩ ትውልድ መሠረት መጣል ይኖርበታል ነው ያሉት፡፡

በአላዛር ታደለ

You might also like
Comments
Loading...