Fana: At a Speed of Life!

ጠ/ሚ አብዳላ ሃምዶክ የካርቱም እና ጁባ ግንኙነትን እንደሚያጠናክሩ ተናገሩ

አዲስ አበባ፣ መስከረም 2፣ 2012 (ኤፍ.ቢ.ሲ) የሱዳን ጠቅላይ ሚኒስትር አብዳላ ሃምዶክ የካርቱም እና ጁባን ግንኙነት እንደሚያጠናክሩ ተናገሩ፡፡

ጠቅላይ ሚኒስትሩ ለሁለት ቀናት ይፋዊ የስራ ጉብኝት በትናንትናው እለት ጁባ ገብተዋል፡፡

የሁለት ቀናት የጁባ ጉብኝታቸው በሁለቱ ሀገራት የንግድ፣ የወሰን ደህንነት፣ የነዳጅ ዘይት እና የዜጎች ነፃ እንቅስቃሴ ዙሪያ ትኩረቱን እንደሚያደርግ አረጋግጠዋል፡፡

ፕሬዚዳንት ሳልቫ ኪር በደቡብ ሱዳን ሰላም ለማስፈን የሚያደርጉትን ጥረት ሱዳን እንደምትደግፍም ነው የተናገሩት፡፡

የጠቅላይ ሚኒስትር አብዳላ ሃምዶክ የጁባ ይፋዊ የስራ ጉብኝት በካርቱም እና በጁባ መካከል አዲስ ምዕራፍ የሚከፍት መሆኑን የደቡብ ሱዳን ምክትል ፕሬዚዳንት ጃምስ ዋኒ ኢጋ ተናግረዋል፡፡

ጠቅላይ ሚኒስትር አብዳላ ሃምዶክ ሱዳንን ወደ ተሻለ ምዕራፍ ለማሸጋገር የሚያስችል አቅምና ልምድ ያላቸው መሆኑንም አንስተዋል፡፡

በዚህም ሱዳን እና ደቡብ ሱዳን የወሰን፣ የንግድ እና የነዳጅ ጉዳዮች ዙሪያ ጠንካራ እና ውጤታማ ፖሊሲዎችን ይዘው እንደሚመጡም ነው ተስፋቸውን የገለጹት፡፡

ምንጭ፡- ሲ ጂ ቲ ኤን አፍሪካ

You might also like
Comments
Loading...