Fana: At a Speed of Life!

ጓቲማላ 2 ሺህ ወታደሮችን በሜክሲኮና ሆንድራስ ድንበር አቅራቢያ አሰማራች

አዲስ አበባ፣ ጳጉሜን 5፣ 2011(ኤፍ ቢ ሲ) ጓቲማላ ከሜክሲኮና ሆንድራስ በምትዋሰንበት ድንበር አቅራቢያ 2ሺህ የሚሆኑ ወታደሮች አሰማርታለች።

ጓቲማላ ወታደሮቿን በሀገራቱ ድንበር አቅራቢያ ያሰማራቸውም ሰሞኑን በአካባቢው የሚንቀሳቀሱ ህገ ወጥ አደንዛዥ ዕፅ አዘዋዋሪዎች ሶስት የመንግስት ወታደሮችን መግደላቸውን ተከትሎ ነው ተብሏል።

የሀገሪቱ መከላከያ ሚኒስቴር ጉዳዩን አስመልከተው በሰጡት መግለጫ፥ በቀጠናው የተከሰተውን ፖለቲካዊና ማህበራዊ ቀውስ ለመፍታት የሚያስችሉ 2ሺህ ወታደሮች ወደ ስፍራው መላካቸውን አስታውቀዋል።

በአካባቢው በሀገሬው ተወላጆችና በመሬት ባለሃብቶች መካከል እንዲሁም ነዳጅ ዘይት በማውጣትና በዕፅዋት ምርት ላይ በተሰማሩ ዜጎች መካከል ግጭት ሲፈጠር መቆየቱ በዘገባው ተመላክቷል።

ከዚህ ባለፈም በቀጠናው የሚንቀሳቀሱት ህገ ወጥ የአደንዛዥ ዕፅ አዘዋዋሪዎች የአካባቢውን ሰላም ሲያደፈርሱ መቆየታቸው ተገልጿል።

የወታደሮቹ በቦታው መሰማራትም በነዋሪዎች መካከል የሚፈጠረውን አለመግባባት ከማረጋጋት ባሻገር በቀጠናው የሚንቀሳቀሱ የህገ ወጥ አደንዛዥ ዕፅ አዘዋዋሪዎችን አደብ ለማስያዝ ያስችላል ተብሏል።

ምንጭ ፦ሬውተርስ

You might also like
Comments
Loading...