Fana: At a Speed of Life!

ዶሪያን አውሎ ነፋስ ደቡባዊ ምስራቅ አሜሪካን መታ

አዲስ አበባ፣ ጳጉሜን 1፣ 2011 (ኤፍ.ቢ.ሲ) ባህማስን የመታውና በከባድ ዝናብ የታጀበው አውሎ ነፋስ ደቡባዊ ምስራቅ አሜሪካን መታ።

ዶሪያን የሚል ስያሜ የተሰጠው ይህ አውሎ ነፋስ ሰሞኑን በባህማስ ከፍ ያለ ጉዳት ማድረሱ ይታወሳል።

አሁን ላይ ይዞታውን በማስፋፋት ደቡባዊ ምስራቅ የአሜሪካ ግዛቶችን መምታት ጀምሯል።

ከትናንት ጀምሮም በደቡብና ሰሜናዊ ካሮላይና ግዛት የጎርፍ አደጋ አድርሷል ነው የተባለው።

በግዛቲቱ እስካሁን ከ100 ሺህ በላይ ነዋሪዎችን ከሃይል አቅርቦት ውጭ ማድረጉም ተሰምቷል።

ከዚህ ጋር ተያይዞም 2 ነጥብ 2 ሚሊየን ዜጎች ከግዛቲቱ ምስራቃዊ የባህር ዳርቻዎች ለቀው እንዲወጡ ትዕዛዝ ተላልፏል።

ሰሞኑን በባህማስ ባደረሰው ጉዳት እስካሁን 30 ሰዎች መሞታቸውን የሃገሪቱ ባለስልጣናት አስታውቀዋል።

አውሎ ነፋሱ የመሰረተ ልማቶችን ያወደመ ሲሆን÷ በሺህዎች የሚቆጠሩ መኖሪያ ቤቶችም የሃይል አቅርቦት ተቋርጦባቸዋል ተብሏል።

የሟቾቹ ቁጥር ምናልባትም እስካሁን ከተመዘገበው የከፋው ሊሆን ይችላል በሚልም ስጋታቸውን እየገለጹ ነው።

ምንጭ፦ ቢቢሲ እና አልጀዚራ

You might also like
Comments
Loading...